“Nagpatawad si Jesus,” Mga Kuwento sa Bagong Tipan para sa mga Batang Mambabasa, 2018
“Nagpatawad si Jesus”
Mga Kuwento sa Bagong Tipan para sa mga Batang Mambabasa
Nagpatawad si Jesus
Mula sa Mateo 18:21–22; Lucas 7:37–48; 11:1–4; 23:34
Tinuruan ni Jesus ang Kanyang mga disipulo na magpatawad. Sinabi Niya sa kanila na patatawarin ng Ama sa Langit ang kanilang mga kasalanan kung patatawarin nila ang iba.
Minsa’y tinanong ni Pedro si Jesus kung ilang beses niya dapat patawarin ang isang taong may ginawang mali. “Hanggang sa makapito?” ang hula ni Pedro.
“Makapitongpung pito,” sabi ni Jesus.
Pinatawad ni Jesus ang mga taong nagsisi sa kanilang mga kasalanan. Nang patawarin Niya ang isang babae, labis ang pasasalamat ng babae kaya hinugasan niya ang mga paa ni Jesus gamit ang kanyang mga luha.
Pinatawad din ni Jesus ang mga taong hindi nalalaman na mali ang kanilang ginagawa. Hiniling Niya sa Ama sa Langit na patawarin ang mga lalaki na nagpako sa Kanya. Hindi nila alam na sinasaktan nila ang Anak ng Diyos.
Pinatawad ni Jesus ang mga tao dahil mahal Niya sila. Maaari kong subukang tularan si Jesus sa pagpapatawad din sa iba!
Panoorin ang New Testament stories sa lds.org/children/scripture-stories.
Pahinang Kukulayan
Maaari Akong Maging Mapitagan
I-click ang larawan para mai-download.
Paglalarawan ni Apryl Stott