Summary sa Kasaysayan

Ang mosunod nga kronolohiya naghatag og usa ka mubo nga pagkahan-ay sa kasaysayan sa mga pagtulun-an ni Presidente Joseph Fielding Smith nga gipakita niini nga libro.

Hulyo 19, 1876	Natawo sa Siyudad sa Salt Lake, Utah, ngadto nila ni Julina Lambson Smith ug Joseph F. Smith.
Hulyo 19, 1884	Gibunyagan ug gikumpirmahan sa iyang amahan. Nakadawat sa iyang unang kopya sa Basahon ni Mormon gikan sa iyang amahan.
Abril 6, 1893	Mitambong sa pagpahinungod sa Salt Lake Temple.
1896	Nakadawat sa Melchizedek Priesthood ug temple endowment.
Abril 26, 1898	Nakigminyo ni Louie Emily Shurtliff sa Salt Lake Temple.
Mayo 1899 hangtud Hulyo 1901	Nagserbisyo isip full-time nga misyonaryo sa England.
1901 hangtud 1910	Nagserbisyo sa daghang mga calling sa Simbahan, lakip sa pagka-presidente sa korum sa priesthood, sakop sa Young Men’s Mutual Improvement Association general board, usa ka high councilor, ug sakop sa general Church committee nga gitudlo sa pag-andam og mga materyal sa pagpanalipod sa Simbahan.
Oktubre 1901	Nagsugod og trabaho sa opisina sa Church Historian.
1902	Mimantala og family history booklet nga giulohan og Asael Smith of Topsfield, Massachusetts, with Some Account of the Smith Family. Mao kini ang una sa daghan niyang mga publikasyon, lakip sa 25 ka libro ug daghang mga artikulo alang sa mga magasin ug peryodiko sa Simbahan.
Abril 8, 1906	Gipaluyohan sa kinatibuk-ang komperensya isip Assistant Church Historian, posisyon nga iyang gihuptan hangtud sa Marso 1921.
Marso 30, 1908	Si Louie Shurtliff Smith namatay human mag-antus og grabing sakit nga may kalabutan sa iyang ikatulo nga pagmabdos.
Nobyembre 2, 1908	Nakigminyo ni Ethel Georgina Reynolds sa Salt Lake Temple.
Abril 7, 1910	Gi-ordinahan sa pagka-Apostol sa iyang amahan.
Oktubre 1918	Mirekord sa pagpadayag sa katubsanan sa mga patay nga gidiktar sa iyang amahan, kinsa Presidente sa Simbahan nianang higayuna. Kini nga pagpadayag makita sa Doktrina ug mga Pakigsaad 138.
Enero 6, 1919	Gitudlo nga magtatambag sa kapangulohan sa Salt Lake Temple, usa ka posisyon nga iyang gihuptan hangtud 1935.
Marso 17, 1921	Ginganlan nga Church Historian, posisyon nga iyang gihuptan hangtud 1970.
1934	Ginganlan nga presidente sa Genealogical Society sa Utah, posisyon nga iyang gihuptan hangtud 1961.
Agosto 26, 1937	Si Ethel Reynolds Smith namatay human masakit sulod sa upat ka tuig.
Abril 12, 1938	Nakigminyo ni Jessie Ella Evans sa Salt Lake Temple.
Mayo hangtud Nobyembre 1939	Mihimo og espesyal nga buluhaton sa Europe uban ni Jessie, nagbisita sa England, Scotland, Holland, Belgium, France, Switzerland, Italy, Sweden, Norway, Denmark, Czechoslovakia, Austria, ug Germany. Midirekta sa pagpamakwit sa tanang mga Amerikano nga mga misyonaryo gikan sa Europe sa pagsugod sa Ikaduhang Gubat sa Kalibutan.
Hunyo 8, 1945	Gitawag nga moserbisyo isip presidente sa Salt Lake Temple, posisyon nga iyang gihuptan hangtud 1949.
Oktubre 6, 1950	Gi-set apart isip Akting nga Presidente sa Korum sa Napulog Duha ka mga Apostoles.
Abril 9, 1951	Gipaluyohan isip Presidente sa Korum sa Napulog Duha ka mga Apostoles.
Hulyo hangtud Agosto 1955	Mihimo og espesyal nga buluhaton sa Asia, uban ni Jessie. Mipahinungod sa Guam, Korea, Okinawa, ug sa Pilipinas alang sa pagsangyaw sa ebanghelyo.
Septyembre 1958	Mitambong sa pagpahinungod sa London England Temple.
Oktubre 1960 hangtud Enero 1961	Giubanan ni Jessie, mibisita sa mga lider sa Simbahan ug mga misyonaryo sa Central ug South America.
Mayo 1963	Mipahigayon sa pagpahimutang sa bato sa pamag-ang sa Oakland California Temple.
Septyembre 1963	Mipahinungod sa Pioneer Monument sa Siyudad sa Kansas, Missouri, ug sa Liberty Jail Historic Site sa Liberty, Missouri.
Oktubre 29, 1965	Gitawag isip Magtatambag sa Unang Kapangulohan ubos sa direksyon ni Presidente David O. Mckay.
Enero 18, 1970	Nahimong senior nga Apostol ug nagdumala nga lider sa Simbahan sa pagkamatay ni Presidente David O. McKay.
Enero 23, 1970	Gi-set apart isip Presidente sa Ang Simbahan ni Jesukristo sa mga Santos sa Ulahing mga Adlaw.
Abril 6, 1970	Gipaluyohan nga Presidente sa Simbahan sa kinatibuk-ang komperensya.
Agosto 3, 1971	Namatay si Jessie Evans Smith.
Agosto 27–29, 1971	Nagdumala sa unang area conference sa Simbahan, nga gihimo sa Manchester, England.
Enero 18, 1972	Mihalad sa pag-ampo sa pagpahinungod sa Ogden Utah Temple
Pebrero 9, 1972	Midumala sa pagpahinungod sa Provo Utah Temple. Misulat sa pag-ampo sa pagpahinungod, mitudlo ni Presidente Harold B. Lee sa paghalad sa pag-ampo.
Hulyo 2, 1972	Namatay didto sa Siyudad sa Salt Lake, Utah, 17 ka adlaw sa wala pa ang iyang ika-96 nga adlawng natawhan.