Summary sa Kasaysayan

Kining libroha dili usa ka kasaysayan, hinugpong kini sa mga baruganan sa ebanghelyo nga gitudlo ni Presidente Wilford Woodruff. Ang mosunod nga kronolohiya naghatag og mubo nga dugukan sa kasaysayan niini nga mga pagtulun-an. Gilaktawan ang daghang importante nga mga hitabo sa secular nga kasaysayan. Gilaktawan usab ang daghang importanting mga hitabo sa personal nga kinabuhi ni President Woodruff, sama sa iyang mga kaminyoon ug sa mga pagkatawo ug mga kamatayon sa iyang mga anak.

1807, Marso 1	Si Wilford Woodruff natawo sa Lalawigan sa Farmington, Hartford, Connecticut, ngadto nila ni Beulah Thompson Woodruff ug Aphek Woodruff.
1808, Hunyo 11	Ang iyang inahan namatay sa edad nga 26.
1810, Nobyembre 9	Ang iyang amahan naminyo ni Azubah Hart.
1821	Nagsugod sa pagtrabaho isip tiggaling.
1832	Mibalhin uban sa iyang igsoong lalaki nga si Azmon ug sa asawa niini ngadto sa Lalawigan sa Richland, Oswego, New York, diin nakapalit sila og umahan.
1833, Disyembre 29	Nakadungog sa gipahiuli nga ebanghelyo sa unang higayon sa usa ka miting nga gidumala sa duha ka mga misyonaryo nga mga Santos sa Ulahing mga Adlaw, nga sila si Elder Zera Pulsipher ug Elijah Cheney.
1833, Disyembre 31	Gibunyagan ug gikumpirmahan ni Zera Pulsipher.
1834, Enero 2	Giordinahan nga usa ka teacher ni Zera Pulsipher.
1834, Abril	Miadto sa Kirtland, Ohio, diin iyang gikahimamat si Propeta Joseph Smith.
1834, Mayo hangtud sa Hunyo	Mibiyahe uban sa Kampo sa Zion ngadto sa estado sa Missouri. Nagpabilin sa Lalawigan sa Clay, Missouri, aron tabangan ang mga Santos didto.
1834, Nobyembre 5	Giordinahan nga usa ka priest ni Simeon Carter didto sa Lalawigan sa Clay, Missouri.
1835, Enero 13	Mibiya sa Missouri alang sa iyang unang full-time nga misyon, nagsangyaw sa ebanghelyo didto sa Arkansas ug sa Tennessee.
1835, Hunyo 28	Giordinahan nga usa ka elder ni Warren Parrish duol sa Memphis, Tennessee.
1836, Abril 19	Gitawag ngadto sa Ikaduhang Korum sa Seventy.
1836, Mayo 31	Giordinahan nga usa ka Seventy ni David Patten.
1837, Enero 3	Gitawag ngadto sa Unang Korum sa Seventy.
1837, Mayo 31	Mibiya sa Kirtland, Ohio, aron magmisyon didto sa Fox Islands, layo sa kabaybayunan sa estado sa Maine.
1838, Hulyo 8	Gitawag ngadto sa Korum sa Napulog Duha ka mga Apostoles pinaagi sa pagpadayag ngadto ni Propeta Joseph Smith (tan-awa sa D&P 118).
1839, Abril 26	Giordinahan nga usa ka Apostol ni Brigham Young didto sa dapit sa templo sa Far West, Missouri.
1839, Agosto 8	Nagmisyon didto sa England.
1840 hangtud sa 1841	Nagserbisyo isip usa ka misyonaryo sa England. Mitabang sa paggiya sa mga 2,000 ka mga tawo ngadto sa bunyag ug kumpirma. Mitabang sa pagsiguro sa katungod sa sinulat sa Basahon ni Mormon sa London.
1841, Oktubre 6	Mibalik ngadto sa iyang pamilya ug sa ubang mga Santos sa Nauvoo.
1841, Nobyembre 21	Mga saksi sa unang mga bunyag alang sa mga patay nga gipahigayon sa bunyaganan sa Templo sa Nauvoo.
1843, Hulyo ngadto sa Nobyembre	Nagmisyon didto sa silangang Estados Unidos, nangita og kwarta aron itabang sa pagkompleto sa pagtukod sa Templo sa Nauvoo.
1844, Mayo hangtud sa Agosto	Nagserbisyo og laing misyon sa silingang Estados Unidos.
1844, Hulyo 9	Nakahibalo sa pagkamartir ni Joseph ug Hyrum Smith, nga nahitabo niadtong Hunyo 27.
1844, Agosto 6	Mibalik ngadto sa Nauvoo uban sa laing mga miyembro sa Korum sa Napulog Duha.
1844, Agosto 8	Mitambong sa komperensya diin ang mga Santos sa Ulahing mga Adlaw mipaluyo ni Presidente Brigham Young ug sa Korum sa Napulog Duha ka mga Apostoles isip mga lider sa Simbahan.
1844, Agosto 12	Midawat sa tawag nga modumala sa Misyon sa Europe.
1846, Abril hangtud sa Mayo	Mibalik ngadto sa Nauvoo ug dayon miuban sa mga Santos sa ilang exodo ngadto sa kasadpan.
1847, Abril 7	Mibiya sa Winter Quarters uban sa unang pundok sa mga pioneer paingon sa Salt Lake Valley.
1847, Hulyo 24	Miabut sa Salt Lake Valley.
1847 to 1850	Nakatuman og daghang mga buluhaton sa pagtabang sa mga Santos nga mopuyo sa Dakbayan sa Salt Lake gikan sa Winter Quarters ug sa silangang Estados Unidos.
1856 hangtud 1883	Nagserbisyo isip Assistant Church Historian.
1877, Enero 1 hangtud 1884, June 17	Nagserbisyo isip unang presidente sa Templo sa St. George Utah.
1877, Agosto 29	Nakahibalo sa kamatayon ni Presidente Brigham Young ug mibiya sa St. George paingon sa Siyudad sa Salt Lake.
1880, Oktubre 10	Gipaluyohan isip Presidente sa Korum sa Napulog Duha ka mga Apostoles sa samang kinatibuk-ang komperensya diin si John Taylor gipaluyohan isip Presidente sa Simbahan.
1882	Ang Kongreso sa Estados Unidos mipasar sa Edmunds Act, naghimo nga ang dinaghan nga kaminyoon usa ka dakong sala ug nagdili sa daghan og mga asawa sa pagbotar, paghupot og publikong buhatan, o paghimo sa katungdanan sa usa ka jury.
1883 hangtud 1889	Nagserbisyo isip Church Historian.
1887, Pebrero 19	Ang Kongreso sa Estados Unidos mipasar sa Edmunds-Tucker Act, laing balaod batok sa dinaghang kaminyoon, magtugot sa federal nga gobyerno sa pagkompiskar sa daghang mga yuta sa Simbahan. Ang act nahimong balaod niadtong Marso 3, 1887.
1887, Hulyo 25	Nahimong senior nga Apostol ug ang tigdumalang lider sa Simbahan sa kamatayon ni Presidente John Taylor.
1888, Mayo 17	Mipahinungod sa Templo sa Manti Utah.
1889, Abril 7	Gipaluyohan isip Presidente sa Ang Simbahan ni Jesukristo sa mga Santos sa Ulahing mga Adlaw.
1890, Septyembre 24	Ingon nga nakadawat og pagpadayag gikan sa Ginoo, miisyu og usa ka deklarasyon namahayag nga ang mga Santos sa Ulahing mga Adlaw kinahanglang mohunong sa paghimo sa dinaghan nga kaminyoon.
1890, Oktubre 6	Ang mga miyembro sa Simbahan nga nanambong sa kinatibuk-ang komperensya nagkahiusa sa pagpaluyo sa pagpadayag nga nadawat ni Presidente Woodruff mahitungod sa dinaghan nga kaminyoon.
1893, Abril 6	Mipahinungod sa Templo sa Salt Lake.
1894, Nobyembre 13	Midumala sa pagkatukod sa Genealogical Society sa Utah.
1897, Marso 1	Mitambong sa selebrasyon sa iyang ika-90 nga adlawng natawhan.
1898, Septyembre 2	Namatay sa San Francisco, California, human sa kadiyot ra nga sakit.