1 Me chelecha Jesus er a bocha le merek el melekoi aikang el tekoi eng liluut el meltii el mo chemau a ildois, e liluut el mekengii a ngerel mo ertir, el dilung: Ngklemerang, ngklemerang a kulekoi er kemiu, Lako moukerrekeriil, me lako bomukerrekeriil.

2 Le sei el kerrekeriil el bomoukerrekeriil er ngii, a mo tletelel a kerrekerii el moer kau; me a blals el chobo mobang lomals, a lmuut el mo medebodeb lekoer kau.

3 Ngerang me kolengeng er a chieb er a medal chodam er kau, e choitii a klou el kerrekar er ngara medam.

4 Me a lechub e kemekera edmung er chodam er kau: mei meknguu a chieb er a medam ea lechub a klou el kerrekar a bai ngara chelsel a medam.

5 Kau el bulak, a kot e mchitii a klou el kerrekar el ngara medam; me bol sebechem lungil lomes me mnguu a chieb er a medal chodam er kau.

6 Lako mngai chedaol msa bilis, me a lechub e moldars a kloklem el ngisel a chesiuch el mo er a babii, leng bai mol roderd e meltii el tomellau.

7 Molengit me lekong; mosiik me bobetik; molengod me lobkais leko erkau.

8 Le ngikei el mo olengit a mongmai; me ngikei el mosiik a mometik, me ngikei el mo melngod a bolobkais.

9 Leng techang er kemiu el chad alsekum a ngelekel a mo olengit a blauang, a nguu a bad el mesang?

10 Me a lechub e ngolengit a ngikel, engii a msa bersoech?

11 Malsekum eng uaisei, me kemiu el dengerenger, a meduch el nguu a ungil klalo el mesterir a rengelekiu, eng mekera ea Demmiu er babeluades a diak le besterir a ungil klalo tirkel lolengit er Ngii.

12 Me a leuaisei, a ngii dil tekoi el soam a chad al rellii lekoer kau, mrellii osisiu el moertir, le tiaikid a llach me a reprofet.

13 Msiseb er a chibutek el siseball; leng meteu a siseball, e klou a rael el ngii omekrael mo er a kerrior, me te betok a mo soiseb er ngii;

14 Leng melemalt a siseball; e chibutek a rael lomekrael mo er a klengar, me te mekesai a mo metik er ngii.

15 Bom kerkikl er a re blulak el profet el mei er kemiu er a bilel a sib, endi chelsir a songerenger el okami.

16 Komo medengelterir er a rodech el ngar er tir. A rechad te mengib a budo er a tochedulik, me a lechub eng figs er a sersmekemad.

17 Le rokui lungil dellomel ourodech a ungil rodech; me a mekngit el dellomel ourodech a mekngit el rodech.

18 A ungil dellomel a diak el sebechel lourodech a mekngit el rodech, me a lechub a mekngit el dellomel lourodech a ungil rodech.

19 A rokuil el dellomel diak lourodech a ungil rodech a muukel e obidokl er a ngau.

20 Misei auchul eng rodech el ngar tir a mouchul e komo medengelterir.

21 Ngdiak el rokui el mo dmung er ngak el kmo, Rubak, Rubak, a mo soiseb er a rengedel babeluades; ndi ngikel mo meruul a soal a Demak el ngar er a babeluades.

22 Te betok a mo melekoi er Ngak risel sils: Rubak, Rubak, ngdimlak kimomlaoch loba ngklem, e ulebang a ngklem loltobed a diablong, e ulebang ngklem el meruul a betok lungil lurreor?

23 E sola engak a mouchais er tir: Ngkmal dimlak kudengelkemiu; boer cheroid er Ngak kemiu el meruul a mekngit.

24 Me a leuaisei e ngikei el remenges aikael tikingek e mo oltirakl, ak mo omekesiu er ngii el mo er a mellomes a rengul chad, el milkedecherur a blil er bebul a risois.

25 Me a chull a mlo erngii me a imui a meltengel, me a ses el yolt a mloerngii, e uldechelakl er ngii el blai; e dimlak le beriou leng mle dechor er bebul a risois.

26 E tirkei el mo remenges aikael tikingek e diak bo loltirakl a mouaia kebelung el chad, el milkedecherur a blil er a di bebul a chelechol.

27 Me a lemei a chull, ele metengel a imui, me a yolt a mlo meses, e loldechelakl er ngii blai; eng mlukel el di mle mechemlol.