1 E chelechang e morrenges e kulekoi er kemiu el kmo ngkiriu el mo mesuub aikael tekoi. Oi, a llach ak beskemiu el kmo, bol blak a rengmiu el mesuub aikael tekoi; leng meklou a belkul a tikingel a Isaia.

2 Leng merael millekoi el kirir a rechedak el chad er a blai er a Israel; me a leuaisei eng kmal kirel dirrek el melekoi el mo er a reIsentael.

3 Me a rokui el tekoi el blaldung a mla moerngii me a moerngii el di moltirakl a tekoi el ngii a dilung.

4 Me a leuaisei e mrenges a tikingek; mluches a tekoi el blakdung er kemiu; e di mo oltirakl er a temel me a uldesuel a Edam e ngii a mo er a reIsentael.

5 E ngikei el mo remenges a tikingek e mo ouuchel er a rengul er a kentil e mo metecholb, ngikei a mo suobel. Mosuub er a reprofet le te betok ouchais el kirel aikael tekoi.

6 E chelecha Jesus rael delang aikael tekoi el moertir, eng liluut el melekoi er tir, ruriul er a losaod a rokui el ngara llechukl el moertir likel bla lengai, ngdilung er tir: Ngarngii a bebil er a llechukl el mle soak chomluches e kemiu a dimlak.

7 Meng mocha melekoi er a Nephi: Mngai el mei aikel rekord el mkildmokl.

8 Me a Nephi rael meremang lolab a rekord, eng ngilai el kmed er medal, meng milerk osengel er ngii e dulang:

9 Ngklemerang me ak melekoi er kemiu, ak dilung er a mesiungek el Samuel el chedal a Laman el kmo, ngkirel louchais er tirkael chad el kmo, sel sils el ngeklel a Edam a mo mukebkall er Ngak ete betok el santo mo mekiis er a kodall, e mo chemolt er a rebetok el chad e mo olisechakl er tir. Meng diluertir: Tia ng diak el uaisei?

10 Me a roderchelel a ulenger erngii e dilung: Oi, Rubak, a Samuel a ulemlaoch el diuaia tekingem, e ngii er rokui el di mlo tmaut.

11 Me a Jesus a diluer tir: E ngerang meng dimlako mlechesii tiael tekoi, el kmo te betok el santo mlekiis e mlo chemolt er a rebetok, e mlo olisechakl er tir?

12 Eng luuta me a Nephi a mlo lotkii el kmo tiael tekoi a dimlak lemeluches.

13 Eng luuta me a Jesus a diluer tir el kmo ngkirel mo meluches; meng mlo meluches loltirakl a tikingel.

14 Eng luuta me a Jesus er a bochael merek el mesaod a rokui llechukl el dimotang, el blaelluches, eng milsterir a llach el kmo, ngkirir el mo olisechakl aikel tekoi el blalocholt er tir.