1 Le ka momes, a kelsel a moerngii el mo uaia kleldelel orrangel; me a rokui el mekididai a rengrir, oi, me a rokui el meruul a mekngit, a di mo urutel; misei el sils el mei a di mo melesb er tir, ngmelekoi a Rubak er a Ildois, ng diak bol bechei a rais, me a kal rechelel.

2 Endi ekoer kemiu el medakt er a ngklek, a Ngelekel a llemalt a mo mekiis el ngarngii omekchubs er a osbekel; me komong e mo mukerour el uaia ngeask el kerebou er a chelsel onriul.

3 Me komo merderd er a remekngit el chad; le tedi mo chab er cheungel a ochemiu er sel sils el bokrellii tiang, ngmelekoi a Rubak er a Ildois.

4 Lako mobes a llechul a Moses el mesiungek el kdilung er ngii er a Horeb el kirel a rokui el Israel, lobengkel a llach me a olkelel a tekoi.

5 Ka momes, ak mo oderchii el merkemiu a Elijah el profet ruchei er a klou e kengaol sils er a Rubak;

6 Meng mo omult a rengrir a rechedam el mo er a rengalk, me a rengrir a rengalk el mo er a redemerir, le lak ak mei eak tomelii er a bluulechad er a dellebeakl.