1 Chelechang eng mocha rekil a oketiu me a tang el rak meng mocha elolem el dart el rak er se er a letobed a Lehi er a Jerusalem; me tiaikid el rak ea Lachoneus a mle ngarbab el chad er a kerrekeriil e merreder er a beluu.

2 Me a Nephi el ngelekel a Helaman a tilobed er a beluu er a Zarahemla, e milsa ngerachel a ngelekel el sechal el Nephi, el ngii a mle klou el ngelekel el sechal, kirel a tibereberk el sintsyu, me a rokui el rekord el mle medechel, me a rokui el klalo el mle keldmokl leng chedaol er sel sils ral tobed a Lehi er a Jerusalem.

3 E sola e ngtilobed er a beluu, e dimlak a chad el medengei el kmo ng mloerker; me a ngelekel er a Nephi a mlo omtechei er ngii el mengedmokl a rekord, oi, a rekord er tika el chad.

4 Me a ta er a klebesei er a uchelel oketiu me a erung el rak, e ngii a di mocha tmaut a ulochir a reprofet; leng mloerngii a meklou lolangch me a meklou el tekoi el chelid er a delongelir a rechad.

5 Endi te mla erngii a rebebil el mocha melekoi el kmo, ng mlaimiit a sils el kirel motmaut aikel tekoi lullekoi a Samuel, el chedal a Laman.

6 Mete mocha oldeu el mo er a rodam er tir el kmo; Kamosang, a temel a mla momerek, me a tekingel a Samuel a dirkak boeltaut; me chelechang ea deuelreng er kemiu me a klaumerang er kemiu el kirel aika el tekoi a dimle bachachau.

7 Me chelecha ete rirellii a klou luldikel er a beluu er rokir; me a rechad loumerang a kmal mlo mekngit a rengrir, le kele leboerngii a uchul e lak leboerngii aikel tekoi el di mla medung.

8 Endi dimle blak a rengrir el mengiil er sel sils me mese el kesus, mese el sils el di mouaia tael sils el mo diak a klebesei, me bo lodengei el kmo a klaumerang er tir a dimlak di blel bachachau.

9 Chelechang eng mlo erngii a tael sils el meltutk er tirkel diak loumerang el kmo, tirkei el rokui loumerang aike el cheldecheduch er a ngar er a mong, a kirir el mo er a kodall, alsekum olangech a diak el boerngii el diuaia tekingel a Samuel el profet.

10 Me chelecha Nephi, el ngelekel a Nephi er a leues aikael mekngit lomerellir a rechedal eng kmal mlo mekngit a rengul.

11 Me a ta er a klebesei eng tilobed e mlo osus el moriou el mo er a chutem e lilangel klou a ngerel mo er a Dios er ngii el kirir a rechedal, oi, kirir tirkel di kmedung a tellemall a mertir le klaumerang er tir el kirel a siukang el mla er a redemerir el mei.

12 Me tiael langel klou a ngerel mo er a Rubak el tael sils; ea ngerel a Rubak a mle erngii el kmo:

13 Mokisii a medam e bo lungil a rengum; le kamosang, a temel a mla mei, me a kebesengei ea cholangech a moerngii, ea klukuk e Ngak a mei er a bluuelchad, el mo olecholt el mo er a bluulechad el kmo, ak mo otaut er rokui aikel Ngak a dilung me bolemedung er a ngerir a rechedaol profet er Ngak.

14 Kamosang, ak mei er a rebebil er ngak el mo lomolm a rokui el tekoi el bla kucholt el mo er a rengalk el chad er a uchelel a bluulechad, e mo meruul er a soal a Edam me a Ngalk – Edam le ngak a uchul, me a Ngalk le bedengek a uchul. Me chelechang eng mla mo temel, me a kebesengei eng mo tuobed ocholt.

15 Me chelechang a tekoi el mlo er a Nephi a kmal di mlo tmaut, el diuaia ikel mla medung; le tia el bocha lengelt a sils eng dimlak bole milkolk; me a rechad a mlo mechas a rengrir leng dimlak a ilkolk er a lemerma a klebesei.

16 Me te mle betok tirkei el dimlak loumerang a tikingir a reprofet el mlo mouat er a chutem el ko er a mla mad, le te medengei el kmo, sel luldesuir el milkedmokl el kirel a kodellir tirkei loumerang a tikingir a reprofet a mla mo diak a belkul; le olangech el meldung a mla moerngii.

17 Me te mocha medengei el kmo a Ngelekel a Dios a di kmeedkung me chemolt; me a ulebongel, ea rokui el chad er bebul a bluulechad er rokir, er a ngebard el moer Ongos, er a beluu er a Diluches el mo er a beluu er a Dims, a kmal mlo mechas el mechas a rengrir me te dimlo mouat er a chutem.

18 Le te mle medengei el kmo, a reprofet a mla chouchais el kirel aika el tekoi el betok el rak, me a cholangch el ledillii a ngartiang; me te medektang le kenterir me a bachachau el klaumerang er tir.

19 Me chelechang eng dimlak a ilkolk el tael kesus, endi ngmle mellomes el diuaiael suelb a sils. Chelecha sils a kuk luuta el ngosechang er a tutau el diuaia merang el teletelel; me te mlo medengei el kmo, tiaikid el sils a boel mechell er ngii a Rubak, le olangch el di mla moerngii.

20 Meng mla moerngii, oi, ngii el rokui el tekoi, me a ikel rokui e telengtengit, loltirakl a tekingir a reprofet.

21 Me chelechang eng dirrek el mle chemolt a beches el btuch, el di mlomad er a tekoi.

22 Chelecha lluut, eng mlo erngii a blulak el tekoi lulemuchel er tiaikid el taem e tilobed el mo er a rechad, el Satan a uchul, el mo melcherecher a rengrir me bolak loumerang olangch me a ongasireng el blaleues; endi okor aikang el blulak me a cheleblad, te betok er a rechad a mlo oumerang me tulebult el mo er a Rubak.

23 Me a ta er a klebesei, a Nephi a tilobed el mo er a delongelir a rechad ngii me a rebebil er a rechad, e millecholb el kirel a uuchelreng, meng mlo erngii a klou el ngebetel a klengit. Me a rechad a luutang el mocha obang a budech er a beluu.

24 Meng dimlak a uldikel, e bai di mle mekesai er tir a mlo olisechakl, el mlo melasm lolecholt er a rechad er a llechukl el kmo, ng mla modiak a belkul doltirakl a llechul a Moses. Chelechang e tiaikid a mle cheleuid er tir leng dimlak lodengei a llechukl.

25 Endi dimle mereched e tulebult e mlo medengei a mle cheleuid er tir, leng mlo bleketakl el moertir el kmo a llach a dirkak lemedemedem, endi kmal kirel dimo tmaut er rokui; oi, a tekoi a mlei er tir el kmo, ngkirel dimo mecherrungel; oi, me a tael lechukl me a lechub eng dimech a diak bolriid el di merekmo boel motaut er rokui; misei eng tiaikid el rak e tir a mlo medengei a mle cheleuid er tir, me te mlocholt a telmellir.

26 Me a oketiu me a ongerung er a rak a mlengelakl, lulab a ungil chais el mo er a rechad le olangch el mlo erngii, el dimlomad er a ulochir a rechedaol profet.

27 E direk el mlengelakl oketiu me a edei el rak el ngar er a budech, endi te mla erngii a remerechorech el Gadianton, el kiliei er bebul a rois, me te tilmellii a beluu; le temle mesisiich er a blurir me a berrotel el ngarngii meng dimlak el sebechir a rechad el medechemeterir; ng mle betok a ulekodellir, ng mle betok el chad a lulmekeuad er tir.

28 Me a oketiu me a ongeuang er a rak, ete kmal mle mereched el mlo betok, leng mle betok el chad er a rechedal a Nephi a chiliis el mo ertir, meng kmal mlo mekngit a rengrir tirkel chad el rechedal a Nephi el di kiliei er a beluu.

29 E direk el mlaerngii a klou el klengitelreng er a delongelir a rechedal a Laman; leng mle betok el ngelekir el mesisichang e meklungang meng dimocha tir lomtebechel er tir, e mlechetakl er a bebil er a rechedal a Zoram, el mlengeblad lomsiich a tekoi me lebo lobenterir a remerechorch el Gadianton.

30 Mi tiang a ta er a ringel el mlo er a rechedal a Laman, meng mocha omerolir el mo mechitechut er a klaumerang ertir me a llemalt, le delngerenger a nga er a mermael cheroll.