1 Me chelecha bocha lemerek aikael tekoi a Jesus, e ngulemerk er a chosengel bedul tiael lildois, e diluer tir: Kamosang, ko mla remenges aikeel tekoi el kullisechakl eruchei er a bok ngasech el mo er a Demak; me chelechang ngikei el molmatk aikael tikingek e mo oltirakl, ngii a bo kukisii er a uriul klebesei.

2 Me chelcha Jesus rael delang aikael tekoi, eng mlo medengei el kmo, te ngarngii er a delongelir a di mlo olengeng e mlorrau a rengrir el kmo ngera mo uldesuel mo kirel a llach er a Moses; leng dimlak bo lodengelii a belkul a tekoi el kmo a mechut el tekoi a mla momerek, me chelechang di beches a rokui el tekoi.

3 Meng dulang er tir: Lak el mechas a rengmiu ak dung er kemiu el kmo, a mechut el tekoi a mla momerek, me chelechang di beches a rokui el tekoi.

4 Ka morrenges ek sebedemiu el kmo a llach el mlo er a Moses a mla merekui.

5 Kamosang, Ngakingii el milsang a llach, e Ngakingii el kildmeklii a telbiil Ngak me a rechedak er a Israel; mi seia uchul ea llach loeak Ngak a mla merekui; le Ngak a mlei el me merekui a llach; mi seia uchul eng mla mei er a ulebongel.

6 Kamosang, ngdiak kulemall er a reprofet, le ikeel betok el dirkak le merekui er Ngak, ak subedemiu el kmo ngdi motmaut.

7 Me a tekingek el kmo a mechut el tekoi a mla momerek, Ngak a diak kulemall aikel mla medung el kirel a tekoi el dirk mei.

8 Kamosang, a telbiil el Ngak a mla kudmokl Ngak me a rechedak a dirkak le mekedmokl el rokui; endi llach el mlo er a Moses a mla momerek er Ngak.

9 Kamosang Ngak a llach, me a llomes. Momes el bedul Ngak e moutekangel mo er a ulebongel, me bomngar; le ngikei el mo outekangel mo er a ulebongel a Ngak a momsa diak a ulebngelel klengar.

10 Kamosang, ak mla meskemiu a llach; me bo moltirakl a llechuk. Le tiaikid a llach me a reprofet, le tir a mera el luluchais el kirek.

11 Me chelecha bocha lemerek a Jesus el melekoi aikael tekoi, eng dilung er tirkei el truich me a terung el blalolilt er tir.

12 Kemiu oderchelek; kemiu a llomes el moer tirkael chad, el tir a rengalek er a kebliil er a blil a Josef.

13 Kamorrenges, tiaikid el beluu a blingeliu; el Edam a mlanguu el meskemiu.

14 E dirkak a ditaer er a taem el Edam a milskak a tekoi el kmo, ngkirek louchais er ngii el mo er a rodam er kemiu el ngar er a Jerusalem.

15 E direk el dirkak a ngiidil taem el Edam a mla meskak a a tekoi el kmo, ngkirek louchais er tir el kirel a bebil er a kebliil er a rechad er a blai er a Israel el Edam a mla orrael er tir el tuobed er a beluu.

16 Ngdi uaitiakid al diluer Ngak a Edam el kirek louchais er tir:

17 El kmo, a bebil er a sib er Ngak el diak el ngar tiael onriul; tir meng kirek el mengudel er tir, meng kirir el mo rongesii a ngerek; meng di mo tael onriul me a tael loucharm a sib.

18 E chelechang, ngkildidai el reng me a diak loumerang meng mlo diak lodengei a tikingek; me a uchul eng mle er Ngak a llechul a Edam el merekong el dikea kluut el melekoi a kirel tiael tekoi el moer tir.

19 Endi ngklemerang me ak melekoi er kemiu el kmo, a Edam a diluer Ngak, me a kuuchais erngii er kemiu el kmo, kemiu a mlo cheroid er a dlongelir leng delngerengerir a uchul; me a leuaisei eng delngerengerir a uchul meng diak lodengei el kiriu.

20 Meng klemerang me ak lmuut louchais er kemiu el kmo, a Edam a mla mengeroid er tir a bebil er a kebliil le delngerngerir a uchul meng diak lodengei el kirir.

21 Ngklemerang me ak melekoi er kemiu el kmo, kemiu tirkei el Ngak a dilung: a bebil er a sib er Ngak el diak lengar tiang lonriul; tir meng kirel el mo mengudel er tir, me te mo rongesii a ngerek; meng dimo tang lonriul, me a tang loucharm a sib.

22 E tir a dimlak lodengei a kulekoi, le tuluusbech el kmo ngkirir a reIsentael; ngdimlak lodengeiel kmo a reIsentael a mo obult er a chosisecheklir.

23 E dimlak bo lodengelii a tikingek rakdung, tir a mo rongesii a ngerek; me te mlecheuid a tikingek, le reIsentael a diak a ditang er a taem el bol rengesii a ngerek meng diak bo kulecholt er Ngak ertir el di merekmo oeak Edaol Reng.

24 Endi kamosang, kemiu a mla rongesii a ngerek, e mesekak; me kemiu a sib er Ngak, me kemiu a ulecherangel luldimukl er tirkei el Edam a mla meskak.