1 Morrenges, E kemiu el Isentael, e mrenges a tikingel a Jesus Kristo, el Ngelekel a di ta el ngar el Dios el blaldung er ngak el kirek el melekoi el kiriu, le kamosang, ngmillekoi er ngak el kirek el meluches el kmo:

2 Mobult kemiu el rokui el Isentael moer cheroid er a mekngit el teleteliu; e bomouuchel kirel a mekngit lomerelliu, me a blulekngiu, me a omengeblad er kemiu, me a laokreng er kemiu, me a berotel el klekikiongel, me a bleob er kemiu, me a romekeuad er kemiu, me a rouelai er kemiu, me a chelechei er kemiu, me a klautok er kemiu, me a rokui el mekngit me a klekikiongel, e mei er Ngak, e bo metecholb er a ngklek, me bol sebechemiu el nguu a ngbetel a kentmiu me bomui er a Edaol Reng, me bo mulcherangel lobenterir a rechedak el tir a blai er a Israel.