1 Yu’un ti li’e, ta xtal ti sc’ac’alil ta xc’ac’ jech chac c’u cha’al hornoe, xchi’uc scotolic ti boch’otic ta stoy sbaique, jech, xchi’uc scotolic ti boch’otic tspasic c’usitic chopole jech ta spasic jech chac c’u cha’al c’ajben; xchi’uc ti baq’uin ta xtale ta xich’ic meyel, xi ti Cajvaltic ta vinajele, ja’ to ti c’uxi muyuc me jutuc yisim xchi’uc me jutuc sc’ob ta xcome.

2 Ti vo’xuc jech cha xi’ic jbie, cha c’otic ta jnich’on ta lequilal, xchi’uc muyuc c’usi ip cha’ay a xiq’uic, xchi’uc xu’ xa bitujic, xchi’uc ja’ jech cha ch’iic jech chac c’u cha’al jcot olol tot vacax te ta sna.

3 Xchi’uc cha pech’ic ta teq’uel boch’otic chopolic; yu’un xco’laj xchi’uc stanil c’oc’ ta yolon yut avacanic ti c’alal baq’uin jech ta jpas va’aye, xi ti Cajvaltic ta vinajele.

4 Taic me ta na’el ti smantaltac caj abtel Moisés ti te la jcac’be te ta Horeb, ta sventa scotol Israeletic ti c’u x-elan tsc’an pasel xchi’uc ti mantaletique.

5 Ja’ jech vu’un ta jtactal lequil vinic Elias ti c’alal sc’anto sta ti muc’ta c’ac’al xchi’uc ti xibal sba yu’un Cajvaltique.

6 Xchi’uc ja’ ta jsutesbe yo’ntonic totiletic ta xnich’nabic, xchi’uc yo’ntonic nich’nabil ta stotic, mu me ja’uc me jech tal jtuch’es banamil ta chopolile.