Slajunebal xcha’vinic Capitulo
Ta xich’ pasel ta mantal boch’otic ma’icuc snailal Israel ti ta slajebal c’ac’al ac’o sutes yo’ntonic xchi’uc ti ac’o xtalic ta Cristo xchi’uc ti c’uxi xu’ xich’ic atael ta snailal Israele.
1 ¡A’yic vo’xuc ti maucoxuc snailal Israele, xchi’uc a’ybeic ti ya’yejtac Jesucristo, ti ja’ xnich’on cuxul Rioxe, ti ja’ la spasun ta mantal jech ac’o xcal ta vo’xuque! yu’un ti li’e, ja’ la spasun ta mantal ti ac’o jech xi lo’ilaj ta atojolalique.
2 Sutanictal, acotolic vo’xuc ti maucoxuc snailal Israel, ti ta a beic sventa chopolile, xchi’uc suteso a vo’ntonic ta sventa ti a chopol abtelique, xchi’uc ti ta a vepal sc’opique xchi’uc ti bu la lo’lavanique, xchi’uc ti c’u x-elan bu la mulivajique, xchi’uc ta scotol c’usi chopol cha pasic ta mucule, xchi’uc ti cha vich’ic ta muc’ loc’ometique, xchi’uc ti a milvanejique, xchi’uc ti a lo’lavanej paleetique, xchi’uc ti ta a vit’ix o’ntonalique, xchi’uc ti ta a pas c’opique, xchi’uc ti scotol ta chop bolilil xchi’uc ti scotol ta chop c’usi cha pasique, la’ic ta jtojolal, xchi’uc ich’ic vo’ ta jbi ti c’uxi xu’ xa vich’ic ch’aybel amulique, xchi’uc ti c’uxi xu’ xa nojic ta Ch’ul Espíritue, xchi’uc ti c’uxi xu’ xavich’ic atael a chi’uquic jteclumal ti ja’ic snailal Israele.