1 Eng luuta me a roderchelel a Jesus er a lorael lolsisechakl a tekoi el rirenges e miles, e mellecholb loba ngklel a Jesus, eng dilubech me a roderuchel a mlo mechudel mlo dmak e mesisiich el meluluuch e olsengerenger.

2 Ea Jesus a liluut el mloechotii er tir, le te melluluuch el mo er a Edam loba ngklel; me a Jesus a mlei el me dechor er a delongelir, e dilur tir: Ngera somiu el bokbeskemiu.

3 Me te diluer ngii: Rubak ngsomam chomochotii er kemam a ngakl el kibo momekedong er tiael ikelesia; leng ngarngii a klautitekangel er a delongelir a rechad el kirel tiael tekoi.

4 Me a Rubak a diluertir: ngklemerang, ngklemerang me ak melekoi er kemiu, ngera uchul me a rechad a mengeremrum e kautitekangel el kirel tiael tekoi?

5 Ngdirkak monguiu a ngara llechukl el kmo, ngkiriu el nguu a ngklel a Kristo el mo ngkliu, el ngii a ngklek? Leng tiaikid el ngakl chobo mokedong er ngii ruriul klebesei;

6 E ngikei el monguu a ngklek el mo ngklel e outekangel mo er a ulebongel, ngikei a mo suobel er a uriul klebesei.

7 Miseia uchul me a ngii dile ngerang chomoruul, bo moruul er ngii loba ngklek; me a leuaisei e komo omekedong er a ikelesia er a ngklek; e mo omekedong er a Edam loba ngklek, meng mo omekngeltengat er a ikelesia le ngak a uchul.

8 Meng mekerael ikelesia er ngak a lak lokodongall er a ngklek? Le lesekum a ikelesia a mo okedongall er a ngklel a Moses, eng mo ikelesia er a Moses; me a bo lokodongall er a ngklel a chad eng mo ikelesia er a chad; endi bo lokodongall er a ngklek e ngii a ikelesia er ngak, alsekum eng tir a dechor er a bebul a ungil chais er Ngak.

9 Ngklemerang me ak melekoi er kemiu, kemiu a dechor er a ungil chais er Ngak; me a leuaisei e komo omekedong a ngii dil tekoi el momekedong loba ngklek; me a leuaisei alsekum ko mo omekedong er a Edam el kirel a ikelesia, alsekum ko mo obang a ngklek, a Edam a mo orrenges er kemiu.

10 Ea lesekum a ikelesia dechor er bebul a ungil chais er Ngak, ea Edam a mo olecholt a urerel er a chelsel.

11 Endi alsekum eng diak le dechor er bebul a ungil chais er Ngak, e bai dechor er bebul a urerir a rechad, me a lechub eng bebul a urerel a diablong, eak subedemiu er a klemerang, ngmo telkib el taem el lengarngii a deuelreng er a urerir, endi lorael moel mo er a ulebongel e te mo muukel e obidokl el mo er a ngau, el ngii a dikea rolel luut.

12 Le urerir choltirakl er tir, le ngurerir a uchul me te mo muukel; me bom debedebek a tekoi el blakdung er kemiu.

13 Kamosang, ak mla meskemiu a ungil chais er Ngak, me tiakidungil chais el blakbeskemiu, el kmo Ngak a mlei er a bluulechad el me meruul a soal a Demak, le Demak a ulderchak.

14 Ea Demak a ulderchak me ak mo mekider el moer bebul a krus; me a uriul er a blakmekider el moer bebul a krus, e bol sebechek el mengideb er a rokui el chad el mer Ngak, meng uaingak el mlekider er a rechad el moer bab, me a rechad a kirir el mo mekider el moerbab leng Edam, el mo dechor er medak e mo mukerrekeriil kirel a urerir, el kmo ngmle ungil me a lechub eng mle mekngit–

15 Meng tiaikid a uchul ak mlo mekider el moerbab; miseia uchul ngokiu a klisiichel a Edam eak mo mengideb er a rokui el chad el mer Ngak, me bol mukerrekeriil el kirel a urerir.

16 Meng diak boliit, el ngikei el mo ouuchel a rengul er a kentil e mo metecholb er a ngklek a mo mui; ea loutekangel mo er a ulebongel, kamorrenges, ngii a bokdung klikiid er medal a Demak er sel sils el bokdechor loukerrekeriil er a bluulechad.

17 E ngikei el diak loutekangel mo er a ulebongel, ngikei ngii a mo muukel e obidokl el mo er a ngau, el ngii a modiak chiolel a luut ertir, leng ngellemalt er a Edam a uchul.

18 Me tiaikid a tekoi el Ngii a mla mesterir a rengalk el chad. Me tiaikid a uchul eng di mo mecherrungel a tekoi le blaldung, e Ngii a diak lomulak, leng di mo mecherrungel a rokui el tekingel.

19 E diak a kikiongel tekoi el mo soiseb er a rengedel; miseia uchul eng diak a mo soiseb er a ulengellel di merekmo tirkei el mla smilek a bilir er a resechek, leng klaumerang ertir a uchul, me a uuchelreng el kirel a rokui el kenterir me a mesisiich el klaumerang ertir el mo er a ulebongel.

20 Chelechang e tiakid a llach: Bo mouuchel a rengmiu e rokui lulebongel er a bluulechad, e mei er Ngak e bo metecholb er a ngklek, me bo mechedaol er a ngeiul Edaol Reng, me bol sebechem el dechor el klikiid er medak ruriul klebesei.

21 Ngklemerang, ngklemerang me ak melekoi er kemiu, tiaikiaungil chais er Ngak; me kemiu a medengei a tekoi el kiriu el meruul er a ikelesia er Ngak; le ureor el bla mosekak el meruul, bo moruul el direk, le aikei el bla mosekak el meruul, aikei chobo moruul;

22 Me a leuaisei alsekum e komo meruul aikang el tekoi e komo ngeltengat, le komo mekider el moerbab er a uriul klebesei.

23 Mluches a tekoi el blamues e remenges, dibo bechei aikel blul.

24 Mluches a urerir tirkael chad el mo duubech, el di uaia ikei el dimla meluches, el kirel a mla morngii.

25 Le kamosang, ngultuir er a babier el mla meluches, me a mo meluches, e tirkael chad a mo mukerrekeriil, leng mo choeak ngii ea urerir a mo chemolt el mo er a rechad.

26 E kamosang, a rokui el tekoi a di mla meluches er a Edam; me a leuaisei eng mo ultuil er a babier el mo meluches, ea bluulechad a mo mukerrekeriil.

27 Ko medengei el kmo kemiu a mo oukerrekeriil er tirkael chad, loltirakl a tekoi el bok beskemiu el mo melemalt. Me a leuaisei eng ngerang el teletelel a chad a kiriu el mo uaingii? Ngklemerang me ak mesubed er kemiu, komdi mo uaingak.

28 Chelechang ak mo er a Edam. Meng klemerang me ak melekoi er kemiu, ngii dile ngerang el bo molengit er a Edam loba ngklek a mo modars er kemiu.

29 Me a leuaisei e molngit me bomngai, e molengod me bo lobkais lekoer kau; le ngikei el lolengit a ngmai; me ngikei el melengod a bolobkais.

30 E chelechang e bo modengei, a diul a renguk a klou, el mla momui leng kemiu a uchul, me a direk el tiael tel cheroll; oi, me a Edam meng direk loldeu, me a direk el rokui el chedaol anghel, leng kemiu me tiaikid el tel cheroll; leng dirkak er tir a remiid.

31 Kamosang, ngsoak chobo modengei; lek melekoi er chelechang el kirir tirkei el ngar er chelechang el tel cheroll; meng dirkak er tir a remiid; meng tir a uchul e Ngak a mui er a deuelreng.

32 Endi kamosang, ngmekngit a renguk, le ongeuang el tel cheroll er ruriul er tiaikid el tel cheroll, le tir a mechetakl el moer chengelel, el diuaia ngalk er a diak a ulebengelel dellebeakl; letir a mo oltrau er Ngak el kirel a silber me a kirel a kolt, me a kirel a ikei el sebechel metemall er a charm me a remerechorch sebechir lomeruud e merechorch. Misei el sils e Ngak a mo oldingel er tir, el mongmai a urerir el kmed er bebul a bterrir.

33 Eng luuta me a Jesus er a bocha lemerek aikael tekoi eng millekoi el mo er a roderchelel: Bomsiseb er a melemalt el siseball; leng melemalt a tungelel e chibutek a rael lomerkael mo er a klengar, me te mekesai a mo metik er ngii; endi ngmeteu a siseball, e klou a rael lomekrael mo er a kodall, mete betok a mo merael er ngii, eng merema iilkolk meng dikeael sebechel a chad loureor.