1 Nau lo bilong Mosaia i bin makim wanwan man long kamap jas bilong lo, o ol lain ol i bin makim long kamap ol jas bai kisim pe olsem long taim ol i bin yusim long wok long jasim ol pipol ol i bin bringim kam long jasim.

2 Nau sapos wanpela man i bin dinau long narapela, na em i no bekim dinau, na em i bin kotim long jas, na jas i bin yusim pawa bilong em long salim ol wokman bilong em long kisim dispela man kam long em long jasim, na jas i bin jasim dispela man olsem lo i tok na olsem long asua bilong em we jas i bin tokim em long bekim dinau bilong em, na sapos nogat jas i bin rausim ol samting bilong em, o tromoim em go ausait namel long ol pipol olsem wanpela stilman na man bilong pulim ol samting bilong narapela man.

3 Na jas i bin kisim pe long taim em i bin yusim—wanpela sinain gol long wanpela de, o wanpela sinam silva, na dispela i wankain olsem wanpela sinain gol, olsem long lo Mosaia i bin givim.

4 Nau dispela i ol nem bilong kainkain gol na silva moni bilong ol wantaim skel bilong moni. Na ol lain bilong Nifai i bin givim nem long moni ol yet, long wanem, ol i no bin bihainim ol lain bilong Juda husat i stap long Jerusalem long givim nem na skel long moni, tasol ol i bin senisim nem na skel long moni bilong ol, olsem long tingting na sindaun bilong ol pipol, long wanwan jeneresen i go inap long rul bilong ol jas, olsem king Mosaia i bin givim.

5 Nau nem na namba long moni i olsem—wanpela sinain gol, wanpela sion gol, wanpela sam gol na wanpela limna gol.

6 Wanpela sinam silva, wanpela amno silva, wanpela esrom silva, na wanpela ontai silva.

7 Wanpela sinam silva i wankain olsem wanpela sinain gol long skelim bali na olgeta kainkain rais nabaut.

8 Nau wanpela sion silva i wankain olsem tupela sinain.

9 Na wanpela sam gol i wankain olsem tupela sion.

10 Na wanpela limna gol i wankain olsem wanpela sion, na wanpela sam.

11 Na wanpela amno silva i wankain olsem tupela sinam.

12 Na wanpela esrom silva i wankain olsem fopela sinam.

13 Na wanpela ontai i wankain olsem wanpela amno na wanpela esrom.

14 Nau ol liklik moni bilong ol i bin skelim i olsem—

15 Wanpela siblon i wankain olsem wanpela hap long sinam, olsem na, wanpela siblon long skelim wanpela hap long bali.

16 Na wanpela siblum i wankain olsem wanpela hap long siblon.

17 Na wanpela lia i wankain olsem wanpela hap long siblum.

18 Nau ol i bin skelim liklik moni bilong ol olsem.

19 Nau wanpela antion gol i wankain olsem tripela siblon.

20 Nau, as tingting bilong ol stret em long kisim moni, na bikos ol i bin kisim pe long wok ol i bin wokim, olsem na, ol i bin tanim bel bilong ol pipol long mekim bik nois na kros, na wokim olgeta kainkain pasin sikrap na pasin nogut, olsem ol bai gat moa wok long mekim moni long kot ol i bin harim, olsem na, ol i bin tanim bel bilong ol pipol long belhat long Alma na Amulek.

21 Na dispela man Sisrom i stat long askim Amulek, olsem: Inap yu bekim sampela askim bilong mi long yu? Nau Sisrom i wanpela man em i save tumas long wokim plen bilong tewel, olsem em bai bagarapim gutpela samting, olsem na, em i tokim Amulek: Inap yu bai bekim askim bilong mi long yu?

22 Na Amulek i tokim em: Ye, sapos Spirit bilong Bikpela em i stap insait long mi laikim, bikos mi bai i no inap autim toktok i no wan bel wantaim Spirit bilong Bikpela. Na Sisrom i tokim em: Lukim sikispela ontai silva, na mi bai givim olgeta long yu, sapos yu tok nogat olsem Nambawan Man Tru i no i stap.

23 Nau Amulek i tok: O yu pikinini bilong hel, bilong wanem yu traim mi? Yu save olsem ol stretpela lain ol i no save pundaun long dispela kain paul pasin?

24 Yu bilip olsem God i no i stap? Mi tokim yu, Nogat, yu save olsem God i stap, tasol yu lavim dispela moni moa long em.

25 Na nau yu giaman long mi long ai bilong God. Yu tokim mi—Lukim dispela sikispela ontai, i nambawan samting tru, na mi bai givim long yu—tasol, yu bai no inap givim ol long mi, bikos laik bilong yu stret em long mekim mi tok nogat long trupela God husat i stap, olsem yu bai gat as long bagarapim mi. Na nau lukim, yu bai kisim pe bilong yu long dispela bikpela pasin nogut tru.

26 Na Sisrom i askim em: Yu tok olsem trupela na laip God i stap?

27 Na Amulek i bekim: Ye, trupela na laip God i stap.

28 Nau Sisrom i askim: Inap planti God i stap?

29 Na em bekim, Nogat.

30 Nau Sisrom i askim em gen: Yu bin save long ol dispela samting, long wanem rot?

31 Na em bekim: Wanpela ensel i bin soim mi.

32 Na Sisrom i askim gen: Husat man bai kam? Em i Pikinini man bilong God?

33 Na Amulek i bekim em, Ye.

34 Na Sisrom i askim gen: Em bai seivim ol pipol bilong em taim ol i stap long sin? Na Amulek i bekim na tokim em: Mi tokim yu, em bai no inap, bikos em i no stret sapos Pikinini man bilong God bai tok nogat long toktok bilong em.

35 Nau Sisrom i tokim ol pipol: Yupela mas tingim ol dispela samting, bikos em i tok wanpela God tasol i stap, tasol em i tok olsem Pikinini man bilong God bai kam, tasol em bai no inap sevim ol pipol bilong em, olsem em i gat atoroti long tokim God.

36 Nau Amulek i tokim em gen: Lukim, yu giaman, long wanem, yu tok olsem mi bin tok olsem mi gat atoroti long tokim God, bikos mi bin tok olsem em bai no inap seivim ol pipol bilong em long sin bilong ol.

37 Na mi tokim yu gen olsem em bai no inap seivim ol long sin bilong ol, bikos mi no inap tok nogat long toktok bilong em, na em i bin tok olsem nogat wanpela doti samting ken kisim kingdom long heven, olsem na, yu bai kisim selvesen long wanem rot, sapos yu no kisim kingdom long heven? Olsem na, yu bai no inap kisim selvesen taim yu i stap long sin bilong yu.

38 Nau Sisrom i askim em gen: Pikinini man bilong God i Papa Oltaim Oltaim tasol?

39 Na Amulek i bekim em: Ye, em i Papa Oltaim Oltaim bilong heven na graun, na olgeta samting we i stap insait long ol, em i i stat na arere, em i nambawan na laspela.

40 Na em bai kam long graun long kisim bek ol pipol bilong em, na em bai kisim long em yet sin long ol lain husat i bilip long nem bilong em, na em i ol dispela lain husat bai kisim laip oltaim oltaim, na nogat wanpela man bai kisim selvesen.

41 Olsem na, ol lain nogut ol i stap yet olsem rot bilong kisim bek em i no bin wokim, tasol ol rop bilong idai em i bin slekim long ol, long wanem, lukim, de i kam we olgeta manmeri bai kirap gen long idai na sanap long pes bilong God long em bai jasim ol long wok bilong ol.

42 Nau, idai bilong Krais bai slekim ol rop bilong idai ol i kolim idai long skin, olsem olgeta manmeri bai kirap long dispela idai long skin.

43 Spirit na bodi bai bung wantaim gen olsem bipo long idai, han na lek wantaim sukuru long bodi bai putim bek gen olsem yumi i stap long nau taim, na mipela bai kam long sanap long pes bilong God, na save wankain olsem yumi save long nau taim, na tingim klia tru gen long olgeta rong bilong mipela.

44 Nau, dispela kirap gen bai kamap long olgeta manmeri, lapun na yangpela tu, wokman na fri man tu, man na meri tu, lain nogut na stretpela lain tu, na tru tumas nogat wanpela gras long het bai lus, tasol olgeta samting bai putim go bek gen olsem nau taim o long skin long idai, na God bai bringim ol na putim ol long pes long jasmen ples bilong Krais Pikinini man, na God Papa, na Holi Spirit em i wanpela God Oltaim Oltaim long jasim long ol wok bilong ol, sapos gutpela o nogut.

45 Nau, lukim, mi autim long yu long idai bilong skin long idai na kirap gen bilong bodi long idai. Mi tokim yu olsem dispela bodi long idai bai kirap gen long kisim bodi i no inap idai, olsem em bai kirap gen long idai, tru tumas long nambawan idai long skin, olsem olgeta manmeri bai i no moa idai, na spirit bilong ol bai join wantaim bodi bilong ol, no moa long rausim bodi na spirit long namel, olsem na, manmeri bai kisim laip long man bilong spirit na bodi i no inap idai, olsem ol bai i no moa idai.

46 Nau, taim Amulek i pinisim ol dispela toktok, ol pipol i stat gen long kirap nogut, na tu Sisrom i stat long guria. Na ol toktok bilong Amulek i pinis olsem, o olsem mi bin raitim dispela tasol.