ဧသာ ၅

အခန်းကြီး ၅

သက်သေသုံးဦးနှင့် ထိုအမှုကိုယ်တိုင်သည် မော်မုန်ကျမ်း၏ အမှန်ဖြစ်ခြင်းအကြောင်း သက်သေခံချက်အဖြစ် ရပ်တည်လိမ့်မည်။

၁ ယခုမူကား၊ ငါ၊ မော်ရော်နိုင်းသည် ငါ့ကို မိန့်မှာသည့်စကားများကို အမှတ်ရှိသည့်အတိုင်း ရေးလေ၏။ ထို့အတူ၊ ငါတံဆိပ်ခတ်သည့်အရာတို့ကိုလည်း သင့်ကို ပြောပြပြီးလေပြီ။ ထို့ကြောင့်၊ သင်သည် ထိုအရာတို့ကို ဘာသာပြန်ခြင်းငှာ ထိခြင်းမရှိနှင့်။ အကြောင်းမူကား၊ ဘုရားသခင်၏ဉာဏ်ပညာတော်အချိန်မျိုးတွင်မှတစ်ပါး၊ ထိုအမှုမှ သင့်ကို တားမြစ်ထား၏။

၂ ရှုဦးလော့၊ သင်သည် ဤအမှုဖြစ်မြောက်စေရန် ကူညီမည့်သူတို့အား ပုရပိုက်ပြားများကို ပြနိုင်သည့် အထူးအခွင့်အရေးရနိုင်၏။

၃ သုံးယောက်သောသူတို့ကိုလည်း ထိုအရာတို့ကို ဘုရားသခင်၏တန်ခိုးတော်အားဖြင့် ပြလိမ့်မည်။ သို့ဖြစ်၍၊ သူတို့သည် ဤအရာတို့ မှန်ကန်ကြောင်းကို ဧကန်အမှန် သိကြလိမ့်မည်။

၄ သက်သေသုံးယောက်၏နှုတ်အားဖြင့် ဤအရာတို့ကို တည်ဆောက်လိမ့်မည်။ သုံးယောက်သောသူတို့၏ သက်သေ၊ ထို့အတူ ဤအမှု၌ ဘုရားသခင်၏တန်ခိုးတော်နှင့် သူ၏နှုတ်ကပတ်တော်ကိုလည်းဖော်ပြမည့်အကြောင်းကို ခမည်းတော်၊ ထို့အတူ သားတော်နှင့် သန့်ရှင်းသောဝိညာဉ်တော်က သက်သေခံ၏—ခပ်သိမ်းသောဤအရာတို့သည်လည်း နောက်ဆုံးသောနေ့၌ လောကတစ်ဖက်၌ သက်သေအဖြစ် တည်ရှိလိမ့်မည်။

၅ ထိုသူတို့သည် နောင်တရ၍ ယေရှု၏နာမတော်အားဖြင့် ခမည်းတော်ထံသို့ လာကြလျှင် ဘုရားသခင်၏နိုင်ငံတော်၌ သူတို့ကို လက်ခံလိမ့်မည်။

၆ ယခုမူကား၊ ဤအရာတို့အတွက် ငါ့၌ အခွင့်အာဏာရှိမရှိကို သင်တို့စဉ်းစားကြလော့။ အကြောင်းမူကား၊ သင်တို့သည် ငါ့ကို မြင်ရသောအခါ ငါ့၌ အခွင့်အာဏာရှိကြောင်းကို သိကြလိမ့်မည်။ ငါတို့သည်လည်း နောက်ဆုံးသောနေ့၌ ဘုရားသခင်ရှေ့၌ ရပ်ရလိမ့်မည်။ အာမင်။