1 Patalinghog, ug tan-awa, ang tingog sama sa usa nga gipadala gikan sa kahitas-an, kinsa makagagahom ug gamhanan, kansang paglakaw ngadto sa mga kinatumyan sa yuta, oo, kansang tingog alang sa mga tawo—Andama ninyo ang agianan sa Ginoo, himoa nga ang iyang mga dalan tul-id.

2 Ang mga yawe sa gingharian sa Dios gitugyan ngadto sa tawo sa yuta, ug gikan dinhi ang ebanghelyo mokaylap ngadto sa mga kinatumyan sa yuta, sama sa bato nga gipikas mokaylap gikan sa bukid nga walay gigamit nga mga kamot, hangtod nga mopuno kini sa tibuok yuta.

3 Oo, usa ka tingog nga nagsinggit—Andama ninyo ang agianan sa Ginoo, andama ninyo ang panihapon sa Kordero, pangandam alang sa Pamanhonon.

4 Pag-ampo ngadto sa Ginoo, tawaga ang iyang balaan nga ngalan, ipahibalo ang iyang kahibulongang mga buhat ngadto sa katawhan.

5 Tawga ang Ginoo, aron ang iyang gingharian mokatap sa yuta, nga ang mga lumulupyo modawat niini, ug maandam alang sa mga adlaw nga moabot, diin ang Anak sa Tawo manaog gikan sa langit, mapalibotan sa kahayag sa iyang himaya, aron sa pag-ipon sa gingharian sa Dios nga gipahimutang sa ibabaw sa yuta.

6 Mao nga, hinaot nga ang gingharian sa Dios mokatap, nga ang gingharian sa langit moabot, nga ikaw, O Dios, mahimaya sa langit ingon man usab sa yuta, nga ang imong mga kaaway mabuntog; kay imo ang dungog, gahom ug himaya, hangtod sa kahangtoran. Amen.