Ry namana malala,
Ny Alahadin’ny Sampan-drofia amin’ity taona ity dia amin’ny alahady farany amin’ny volana martsa. Izany no fotoana ankalazantsika ny andro nitaingenan’i Jesoa boriky ho any Jerosalema. Nanofahofa ravin-drofia ny olona ary niantsoantso hoe: “Hosana!” Andro vitsivitsy taty aoriana dia nijaly sy maty ho antsika i Jesoa. Avy eo dia natsangana tamin’ny maty Izy! Manantena izahay fa hankafizinao izany fotoana manokana izany hahatsiarovana ny zavatra nataon’ny Ray any An-danitra sy i Jesoa ho antsika (jereo ny Jaona 3:16). Noho Izy Ireo dia afaka miaina indray isika rehetra!
Amim-pitiavana,
Namana
Fanamarihana: Pejy firy momba an’i Jesoa no hitanao ato amin’ity laharana ity?
Aoreno ny anao manokana
Nianatra ny fomba nanaovan’i Nefia sambo iray aho (febroary 2020) ka te hanamboatra iray manokana aho mba hahatakarako ny zavatra tsapan’i Nefia. Sarotra izany tamin’ny voalohany, saingy nianatra ny tsy hiala sy hatoky ny Tompo toa an’i Nefia aho.
Ian D., 9 taona, Veracruz, Meksika
Ireo toerana amakianay ny Namana
Tianay ny mamaky ny Namana! Manampy anay hahatsiaro ho tsy manirery izany satria izahay irery no mpikambana ao amin’ny Fiangonana ao amin’ny tanàna misy anay. Vakinay amin’ny teny alemà sy holandey izany satria avy any Hôlandy ny mamanay ary avy any Alemana ny dadanay.
I Lars sy i Torben S., 5 taona sy 3 taona, Basse-Saxe, Alemana
Tianay ny mahita ny tempoly
Mipetraka akaikin’ny tempolin’i Barranquilla Colombie izahay ary mitsidika azy isa-tapa-bolana. Manampy anay hahatsiaro ireo fanekempihavanana hataonay amin’ny Ray any An-danitra izany.
Kilonga ao amin’ny sampan’i Puerto Colombia, Colombie