Manampy toa an’i Jesoa

Tsy nanilika ny hafa i Jesoa

Indray andro dia nisy vondron’ankizy nanatona mba hijery an’i Jesoa Kristy. Nasain’ireo mpanara-dia an’i Jesoa nandeha izy ireo. Saingy hoy i Jesoa hoe: “Avelao ny zaza hanatona Ahy” (Marka 10:14). Tsy te hanilika azy ireo Izy. Te hiaraka tamin’izy ireo Izy satria tiany izy ireo.

Nofihinin’ny Mpamonjy tamin’ny sandriny ireo ankizy. Notsofiny rano izy ireo. Nampiany izy ireo hahatsapa ny tenany ho manan-danja.

Azonao vakina ao amin’ny Lioka 18:15–17 sy Marka 10:13–16 ilay tantara manontolo.

Afaka maka namana vaovao aho

• Mitadiava olona vaovao azonao hifankafantarana.

• Manaova drafitra mba ho lasa naman’izy ireo.

• Ataovy ny drafitrao!

• Hetezo ity karatra ity mba hampahatsiahivana anao hanohy hanampy toa an’i Jesoa.

Nahatsapa ho irery aho nandritra ny fakan-drivotra, ka dia nanontany ankizy raha afaka milalao amiko izy ireo. Nanomboka nanao kilalao nampiasana tsaoka izahay dia nisy olona maromaro fanampiny nanatona, ary tena nahafnaritra izany! Raha mahatsiaro ho irery ianao dia afaka mangataka olona hiara-hilalao aminao!

Kanyin P., 8 taona, Colorado, Etazonia

Ahoana no fomba iezahanao hitovy amin’i Jesoa amin’ny alalan’ny fanampiana ny hafa? Sorato dia lazao anay! Mandehana any amin’ny fonon’ny boky any amin’ny farany mba hahitanao ny fomba hanaovana izany.