Manorina fonenana vaovao ny Olomasina

Taorian’ny namerenana ny Fiangonana tamin’ny laoniny dia nihamaro ny olona nahafantatra mikasika ny filazantsara. Nisafidy ny hatao batisa izy ireo. Nantsoina hoe “Olomasina” izy ireo.

Nifindra ny sasany tamin’izy ireo mba hahafahany nipetraka teny akaikin’ireo mpikambana hafa tao amin’ny Fiangonana. Nifanampy sy nifampahery ny Olomasina.

Nisy olona hafa tsy tia ny Fiangonana. Niezaka nampahory ny Olomasina izy ireo. Notereny handao ny trano fonenany izy ireo.

Nanam-pinoana ny Olomasina fa hanampy azy ireo Andriamanitra. Na dia sarotra aza izany dia nifindra tany amin’ny toerana vaovao izy ireo. Niara-niasa izy ireo hanorenana tanàna vaovao.

Afaka miatrika ny zava-tsarotra amim-pinoana aho. Afaka manampy ny hafa mandritra ny fotoan-tsarotra koa aho.