Manome Tanana manerana izao tontolo izao
Andao hifankafantatra amin’i Shilohavy aoFilipina
Fantaro ireo ankizy ao amin’ny Kilonga manampy ny hafa, tahaka ny nataon’i Jesoa.
Ny mombamomba an’i Shiloh
Taona: 7
Avy any: Filipina
Fiteny: Filipiana, Anglisy
Fianakaviana: Neny, Dada, ary zoky anankitelo
Tanjona sy nofinofy: 1) Hanompo ny hafa hatrany.2) Ho mpandihy.3) Ho lasa mpahandro tena mahomby.
I Shiloh manome tanana
Tia manampy olona any amin’izay toerana rehetra alehany i Shiloh. Tia mifandray amin’ireo mpiara-mianatra aminy any an-tsekoly izy. Tsy mampaninona azy na hafa toy ny ahoana aza izy ireo. Fantany fa zanak’ Andriamanitra daholo ny rehetra! Manana toe-batana antsoina hoe trisomie 21 i Shiloh, ary tsy afaka mandeha i Kharl namany akaiky indrindra. Manampy foana amin’ny fanosehana ny seza misy kodiarana fitondrana an’i Kharl i Shiloh.
Vonona foana ny hilalao amin’ny rehetra i Shiloh, na dia ireo ankizy tsy mbola fantany aza. Tia maka namana vaovao izy. Indray mandeha raha nandeha nitsidika ny tempolin’i Manille Phillipines ny fianakaviany dia nahatsikaritra ankizivavy kely iray tao amin’ny efitrano fiandrasana izy izay tsy nanana namana hilalaovana. Nanatona azy izy dia nanomboka nilalao taminy. Navelany niara-nijery taminy ny tablette fampiasany mihitsy aza izy.
Ireo zavatra tian’i Shiloh indrindra
Toerana: Toeram-pilalaovan’ny ankizy
Tantara momba an’i Jesoa Kristy: Rehefa nitsodrano ny ankizy madinika Izy
Hiran’ny Kilonga: “Hajao ireo didy” (Bokin-kiran’ny ankizy, 68).
Sakafo: Ovy endasina, trondro, atody, ary vary
Loko: Manga
Taranja any an-tsekoly: Matematika
Io i Shiloh miaraka amin’ireo namany.