Nofy ho an’i Dieter
Nalaina avy tamin’ny “Call for Heroes!” nataon’ny Loholona Dieter F. Uchtdorf. (Fampaherezam-panahy an’i BYU-Pathway Worldwide , 14 jolay 2020, byupathway.org/devotionals).
Fony izy zazalahy dia tia mijery fiaramanidina ny Loholona Dieter F. Uchtdorf. Nataony sary an-tsaina ho nanidina tao anatin’ireny fiaramanidina ngeza be ireny izy.
Te ho lasa mpanamory fiaramanidina aho indray andro any.
Saingy tsy dia nanam-bola ny fianakavian’i Dieter. Mpitsoa-ponenana izy ireo ary indroa tsy maintsy niala ny tranony ho any amina firenena vaovao.
Ny ankizy sasany milalao fa i Dieter kosa mpanatitra entana no asany mba hanampiana ny fianakaviany.
Mahatsapa izy indraindray fa tsy ho azo tanterahina ny nofinofiny!
Saingy rehefa nihalehibe izy dia niasa mafy i Dieter mba hanatrarana ny nofinofiny. Nanana finoana izy fa hanampy azy ny Ray any An-danitra.
Niditra tao amin’ny tafika an’habakabaka izy ary niofana ny ho lasa mpanamory fiaramanidina faran’izay mahay indrindra araka izay tratrany.
Farany dia tanteraka ny nofinofiny. Nanamory fiaramanidina ngeza be izy nandritra ny taona maro!
Mety manontany tena ianao hoe azo tanterahina koa ve ny nofinofinao.
Mety tsy ho mora izany, saingy vitanao izany.
Mety hiatrika fanamby ianao, saingy afaka mahatonga anao ho matanjaka kokoa izany. Miaraka aminao Andriamanitra amin’ny dingana tsirairay eo amin’ilay lalana!
“Miasà mafy. Manàna finoana. Manàna fanantenana. Matokia an’ Andriamanitra. Rehefa ataonao ny anjaranao dia handeha ho azy ny zava-drehetra.”
Sary nataon’i Cam Kendell