Pangangalaga sa Aking Sarili!

Ehersisyo

Ano ang mga paborito mong aktibidad na naghihikayat sa iyong gumalaw-galaw?

Mga Tip

• Sikaping maglaro sandali sa labas nang araw-araw.

• Gawin itong masaya! Magsayaw, maglaro ng sport, o maglakad sa kalikasan.

• Kung matagal ka nang nakaupo, mag-inat-inat at maglakad-lakad.

“[Sila ay] tatakbo at hindi mapapagod, at lalakad at hindi manghihina” (Doktrina at mga Tipan 89:20).

Matulog nang Sapat

Ano ang maaari mong gawin para makatulog nang mabuti?

Mga Tip

• Matulog at gumising sa parehong oras araw-araw.

• Piliting magkaroon ng siyam hanggang labing-isang oras ng pagtulog bawat gabi.

• Patayin ang iyong mga device nang isang oras bago ang oras ng pagtulog para matulungan kang makapagpahinga nang mas mabuti.

“Magpahinga sa inyong higaan nang maaga, upang kayo ay hindi mapagal” (Doktrina at mga Tipan 88:124).

Kumain ng Masustansyang Pagkain

Anu-anong pagkain ang paborito mo?

Mga Tip

• Sikaping kumain ng balanse na iba-ibang uri ng masustansyang pagkain. (Tingnan ang Doktrina at mga Tipan 89:10–17 para sa mga halimbawa.)

• Huwag kumain ng maraming matatamis na pagkain, at huwag dalasan.

• Uminom ng maraming tubig bawat araw.

“Lahat ng bagay na nanggagaling sa lupa … ay ginawa … upang palakasin ang katawan” (Doktrina at mga Tipan 59:18–19).

Naglilibang

Ano ang gusto mong gawin para malibang?

Mga Tip

• Kung nag-aalala ka, nalulungkot, o nagagalit, kausapin ang isang pinagkakatiwalaang tao na nasa hustong gulang.

• Mag-ukol ng oras araw-araw na mapanatag at matahimik.

• Manalangin sa Ama sa Langit araw-araw. Sabihin sa Kanya kung ano ang ipinagpapasalamat mo at ano ang tulong na kailangan mo.

“Kayo ay magsitigil at kilalanin ninyo na ako ang Diyos” (Mga Awit 46:10).

PAG-IWAS SA Masama

May ilang bagay na makabubuti sa atin, ngunit may ilang bagay na nakakapinsala. Maaaring mapinsala nito ang ating katawan o malulong tayo rito kaya napakahirap ihinto ang paggamit ng mga ito. Narito ang ilang bagay na dapat mong layuan:

• Tabako

• Kape

• E-cigarettes/vaping

• Tsaa

• Mga inuming nakalalasing

• Mapaminsalang mga droga

Mga paglalarawan ni Josh Talbot

◆ Tingnan sa Pumarito Ka, Sumunod Ka sa Akin para sa Doktrina at mga Tipan 89–92.