Ny diako voalohany tany amin’ny tempoly
Hola! Elena no anarako. Vao sambany aho no handeha any amin’ny tempoly.
Herinandro vitsivitsy lasa izay dia nihaona tamin’ny evekanay aho. Nametrahany fanontaniana vitsivitsy aho hakana antoka fa vonona ny handeha any amin’ny tempoly aho. (Azonao vakina ao amin’ny pejy 22 ireo fanontaniana!) Avy eo dia nomeny fahazoan-dalana hidirana ny tempoly aho.
Vonona ny handeha izahay. Manao ny akanjoko fanao amin’ny alahady tsara indrindra aho. Mitondra zavatra hanamboarana ny voloko rehefa lena ihany koa aho. Ary alaiko antoka fa mitondra ilay fahazoan-dalako aho. Andeha hitaingina fiara fitaterana amin’izay izahay izao!
Io ny tempoly! Tena tsara be ilay izy.
Rehefa mandeha ao anatin’ny tempoly aho dia mahatsapa fiadanana. Asehoko ilay mpiasan’ny tempoly mahafinaritra eo amin’ny birao fidirana ny fahazoan-dalako. Omen’ny mpiasan’ny tempoly iray hafa akanjo tohitena fotsy aho. Mankany amin’ny toeram-pisoloana akanjo aho mba hisolo akanjo.
Miandry ny anjarako aho izao mba ho atao batisa. Rehefa anjaran’ny anadahiko dia mijoro eo akaikin’ilay dobo aho mba ho vavolombelona. Maka antoka aho fa tafaroboka tanteraka any anaty rano izy.
Anjarako izao! Mafana ny rano. Atao batisa mifanesy ho an’olona betsaka aho.
Rehefa mitraka aho dia toloran’ny mpiasan’ny tempoly iray lamba famafàna. Manamaina ny tenako ao amin’ny toeram-pisoloana aho ary miverina manao ireo akanjo fanao amin’ny alahady. Rehefa niala tao aho dia mitondra ahy ho atao fanamafisana ny maha-mpikambana isoloana tena olona maromaro ny mpiasan’ny tempoly iray.
Tena niavaka be ny fotoana nankanesako tany amin’ny tempoly! Faly aho afaka manampy ny hafa tamin’ny alalan’ny fanaovana batisa sy fanamafisana ny maha-mpikambana ho azy ireo. Tsy andriko izay hiverenana any haingana indray.
Sary nataon’i Rachel Hoffman-Bayles