Mga Kuwento sa mga Banal na Kasulatan

Bago Tayo Pumarito sa Mundo

Mababasa mo ang kuwentong ito sa Abraham 3:22–27. Makikita ang isang pahinang kukulayan sa pahina 48.

Bago tayo isinilang, nabuhay tayo sa langit kasama ang ating Ama sa Langit. Itinuro Niya sa atin ang tungkol sa Kanyang plano ng kaligayahan.

Sinabi ng Ama sa Langit na paparito tayo sa mundo para makatanggap ng katawan. Tayo ay matututo at gagawa ng mga pagpili. Kung minsan, magkakamali tayo. Kakailanganin natin ng isang Tagapagligtas.

Ipakikita sa atin ng Tagapagligtas kung paano mamuhay. At kapag nakagawa tayo ng maling pagpili, makapagsisisi tayo.

Sinabi ni Jesus, “Narito ako, isugo ako.” Pinili Siya ng Ama sa Langit na maging Tagapagligtas natin. Nangako si Jesus na paparito sa mundo para iligtas tayo.

Magagawa kong sundin si Jesucristo. Balang araw ay makakabalik ako at makakapiling ko ang Ama sa Langit.

Mga paglalarawan ni Apryl Stott