Mula sa Unang Panguluhan

Isang Banal na Lugar

Ni Pangulong Henry B. Eyring

Pangalawang Tagapayo sa Unang Panguluhan

Hango sa “Templo’y Ibig Makita,” Liahona, Mayo 2021, 28–31.

Naaalala ko ang unang araw na pumasok ako sa Salt Lake Temple. Binati ako ng isang babaeng puti ang buhok na nakasuot ng puting damit na pantemplo. Sabi niya, “Maligayang pagdating sa templo, Brother Eyring.” Inisip ko sandali na isa siyang anghel dahil alam niya ang pangalan ko. Nalimutan ko na nakasulat ang pangalan ko sa maliit na card na naka-pin sa amerikana ko.

Tumingala ako sa mataas na puting kisame. Napakaliwanag ng silid kaya tila nakabukas ito sa kalangitan. Pakiramdam ko nakarating na ako roon dati. Pagkatapos ay nadama ko na nakapunta na ako sa isang sagradong lugar na katulad niyon bago ako isinilang.

Ang mga salitang “Banal sa Panginoon” ay nakasulat sa labas ng lahat ng templo natin. Alam kong totoo ang mga salitang iyon. Ang templo ay isang banal na lugar kung saan madaling dumarating sa atin ang paghahayag kung bukas ang ating puso para dito.

Dalangin ko na naisin ninyong pumunta roon, kung saan madarama ninyo na malapit kayo sa Panginoon. Matutulungan ninyo ang inyong mga ninuno na makapiling Siya at kayo magpakailanman.

Salita ng Ebanghelyo

Ang paghahayag ay isang mensahe mula sa Diyos tungo sa Kanyang mga anak. Ang paghahayag ay karaniwang dumarating sa pamamagitan ng Espiritu Santo. Sinabi ng Espiritu Santo kay Pangulong Eyring na bago siya isinilang, siya ay nasa isang sagradong lugar na katulad ng templo.

Templo’y Ibig Makita

Kopyahin ang mga linya sa grid para tapusin ang natitirang kalahati ng Calgary Alberta Temple.

Sa templo, maaari tayong gumawa ng mga tipan, o mga pangako, sa Ama sa Langit. Ano ang inaasam ninyo tungkol sa pagpunta sa templo balang-araw?

Larawang-guhit ni Melissa Manwill