តើព្រះវិហារបរិសុទ្ធជាអ្វី ?

ព្រះវិហារបរិសុទ្ធគឺជាអគារដ៏ស្រស់ស្អាត ដែលយើងអាចមានអារម្មណ៍កាន់តែជិតស្និទ្ធនឹងព្រះវរបិតាសួគ៌ និងព្រះយេស៊ូវ គ្រីស្ទ ។ ព្រះវិហារបរិសុទ្ធនីមួយៗមានពាក្យថា « ដំណាក់នៃព្រះអម្ចាស់ » សរសេរនៅលើនោះ ។ ការណ៍នេះរំឭកយើងថា ព្រះវិហារបរិសុទ្ធគឺបរិសុទ្ធ និងខុសពីពិភពលោកទាំងមូល ។ ព្យាការីបានសន្យាថា យើងអាចទទួលអារម្មណ៍នៃសេចក្តីសុខសាន្តនៅខាងក្នុងព្រះវិហារបរិសុទ្ធ ។

ព្រះវិហារបរិសុទ្ធ បាងកក ប្រទេសថៃ

នេះគឺជាព្រះវិហារបរិសុទ្ធដំបូងគេនៅប្រទេសថៃ ។
ព្រះវិហារបរិសុទ្ធនេះមានកម្ពស់ប្រាំមួយជាន់ និងកំពូលស្រួចចំនួនប្រាំបួន ។
នៅពេលព្រះវិហារបរិសុទ្ធបានសាងសង់ឡើង ខ្យល់ព្យុះស្ទើរតែជន់លិច ។ ប៉ុន្តែព្រះវិញ្ញាណបរិសុទ្ធបានជួយអ្នកដឹកនាំគម្រោងដឹងអ្វីដែលត្រូវធ្វើ ។

ព្រះវិហារបរិសុទ្ធ សាន ហូសេ កូស្តារីកា

នេះគឺជាព្រះវិហារបរិសុទ្ធទីពីរដែលបានសាងសង់នៅអាមេរិកកណ្ដាល ។
វាបានសង់ឡើងពីថ្មម៉ាបពណ៌-សដ៏ស្រស់ស្អាតពីប្រទេសម៉ិកស៊ិក ។
ព្រះវិហារបរិសុទ្ធនេះមានចម្ងាយប្រហែលមួយម៉ោងពីភ្នំភ្លើងសកម្មមួយ ។