តើអ្នកគិតពីអ្វី ?

នៅពេលខ្ញុំដាក់គោលដៅ ចុងបញ្ចប់ខ្ញុំតែងតែភ្លេចពីគោលដៅនោះ ។ តើខ្ញុំសម្រេចគោលដៅរបស់ខ្ញុំដោយរបៀបណា ?

—ជនអាថ៌កំបាំងនៅរដ្ឋធានី រេយឃៀវីក

ជូនចំពោះជនអាថ៌កំបាំង

កុំបារម្ភ ៖ នៅពេលដល់ពេលដាក់គោលដៅ និងភ្លេចគោលដៅ នោះមិនមែនមានតែអ្នកម្នាក់នោះទេ ។ នេះជាអ្វីដែលមនុស្សជាច្រើនកំពុងមានបញ្ហា ។ យើងទាំងអស់គ្នាពូកែរៀបចំដាក់គោលដៅណាស់ ។ តាមពិតទៅ ការឈោងដល់ គោលដៅទាំងនោះ—នោះគឺជាផ្នែកដ៏ពិបាក ។ នេះគឺជាគំនិតដើម្បីជួយមួយចំនួន !

ដោយក្តីស្រឡាញ់

ទស្សនាវដ្តី ប្រិយមិត្ត

មានក្តីស្រមៃធំ ប៉ុន្តែចាប់ផ្ដើមពីចំណុចតូចៗ ។ វាល្អណាស់ដែលដាក់ការប្រឈមលើខ្លួនរបស់អ្នក ។ ប៉ុន្តែសូមចងចាំថា គោលដៅតូចៗក៏ពោរពេញដោយអានុភាពដែរ ។ « ដោយកិច្ចការតូចតាច និងងាយ ទើបនាំឲ្យកើតកិច្ចការដ៏ធំៗបាន » ( អាលម៉ា ៣៧:៦ ) ។
ធ្វើឲ្យជាក់លាក់ ។ « ខ្ញុំនឹងជួយនៅផ្ទះ » ។ គោលដៅនោះគឺជាគោលដៅ ធម្មតា ប៉ុន្តែវាជាគោលដៅមិនសូវច្បាស់លាស់ ។ « ខ្ញុំនឹងជួយនៅផ្ទះដោយការរៀបចំរបស់របររបស់ខ្ញុំរាល់ថ្ងៃ » ។ នេះគឺជាគោលដៅ ដ៏អស្ចារ្យ មួយ ។ វាជាក់លាក់ ។ វាគឺជាផែនការ ។
សូមចែកចាយគោលដៅរបស់អ្នក ។ និយាយអំពីគោលដៅរបស់អ្នកជាមួយឪពុក ឬម្តាយ គ្រូបង្រៀន ឬមិត្តភក្តិ ។ សូមឲ្យពួកគេជួយដល់អ្នក ។ ពេលខ្លះការមាននរណាម្នាក់មកពិនិត្យមើល និងលើកទឹកចិត្តអ្នកគឺការជំរុញដែលអ្នកគ្រាន់តែត្រូវការ ។
ធ្វើការរំឭក ។ ប្រសិនបើអ្នកចង់ចងចាំគោលដៅរបស់អ្នក សូមសរសេរគោលដៅទាំងនោះទុក ។ បិទគោលដៅរបស់អ្នកនៅកន្លែងណាដែលអ្នកនឹងមើលឃើញវាជារៀងរាល់ថ្ងៃ ។ ដាក់វាឲ្យមានពណ៌ចម្រុះ និងច្នៃប្រឌិត !
មានសេចក្តីជំនឿ ។ ប្រធាន អិម រ័សុល បាឡឺដ « យើងត្រូវមានសេចក្តីជំនឿលើព្រះ » ។ « យើងត្រូវតែមានសេចក្ដីជំនឿជឿលើព្រះអម្ចាស់ព្រះយេស៊ូវគ្រីស្ទ ។ អូហើយ ពិតណាស់ យើងត្រូវតែមានសេចក្ដីជំនឿលើខ្លួនឯង » ។^* អ្នកអាចធ្វើបាន ! ព្រះនឹងជួយដល់អ្នក ។