Përshëndetje nga Vanuatu!

Mëso rreth fëmijëve të Atit Qiellor kudo nëpër botë.

Vanuatu është një vend ishullor tropikal në oqeanin Paqësor. Atje jetojnë më shumë se 300 mijë njerëz!

Gjuha

Bislamishtja, anglishtja dhe frëngjishtja janë gjuhët zyrtare. Pothuajse të gjithë flasin bislamisht.

Tangkiu.

Kjo do të thotë “Faleminderit” në bislamisht!

Libri i Mormonit

Anëtarët e Kishës dhe Libri i Mormonit në bislamisht

Libri i Mormonit u përkthye në bislamisht në vitin 2004. Nga ajo kohë, rreth 8 000 njerëz janë bashkuar me Kishën në Vanuatu.

Ishull Tropikal

Plazh dhe varkë

Vanuatu njihet për plazhet e tij të bukura dhe ujin kristal me ngjyrë blu. Disa prej plazheve madje kanë rërë të zezë.

Para me Ngjyra

Para vatuaneze dhe një zog tropikal

Vanuatu i ka paratë me ngjyra të ndezura që tregojnë pamje nga jeta në ishujt, bimët dhe kafshët që jetojnë atje.

Veprimtaria

Kurora me Lule

Punim i një kurore me lule prej letre

Për festivale dhe ceremoni, njerëzit në Vanuatu vënë kurora me lule shumëngjyrëshe.

Prite letrën shumëngjyrëshe në forma lulesh. Bëj një vrimë të vogël në mes të çdo luleje. Prite një fije spangoje aq të gjatë sa të mbështillet përreth kokës sate. Kaloje fijen e spangos te lulet prej letre. Pastaj lidhi fundet e fijes së bashku. Kurora jote është gati për ta vënë!

Receta

Kek me Arrë Kokosi

Kek me arrë kokosi

Keku me arrë kokosi është një ëmbëlsirë e njohur në Vanuatu. Ja ku është receta që mund të provosh!

1. Në një tas, rrih ½ gote sheqer dhe ¾ gotë gjalpë të shkrirë.

2. Shto 2 vezë dhe përzieji.

3. Përziej ½ gote miell, 1 gotë arrë kokosi të grirë dhe 1 lugë çaji me pluhur për pjekje.

4. Hidhe në një tavë keku të rrumbullakët, të lyer me yndyrë dhe piqe për 20 minuta në temperaturën 150°C.

Sigurohu që të marrësh ndihmë nga një i rritur.

Historia në formatin PDF

Ilustrimet nga Anna Oldroyd