Hello mula sa Nicaragua!

Alamin ang tungkol sa mga anak ng Ama sa Langit sa buong mundo.

Ang Nicaragua ay isang bansa sa Central America. Halos 7 milyong mga tao ang naninirahan doon!

Tagalog

Pabalat sa wikang Spanish ng magasin na Kaibigan

Ang opisyal na wika ay Spanish. Nagsasalita rin ang ilang tao ng mga katutubong wika tulad ng Miskito, Sumo, at Rama.

¿Nahki sma?

Ang ibig sabihin niyan ay “Kumusta ka?” sa Miskito!

Pagpapalaganap ng Ebanghelyo

Larawan ng lugar na pinagtatayuan ng templo at paglalarawan ng mga batang sama-samang nagbabasa

Dumating sa Nicaragua ang mga unang missionary noong 1953. Ngayon ay mahigit 100,000 na ang mga miyembro ng Simbahan doon! Mayroon pang isang templong itinatayo.

Mga Pating sa Lake Nicaragua

Larawan ng Lake Nicaragua at iginuhit na larawan ng pating

Ang mga bull shark ay maaaring mabuhay sa tubig-alat at sa tubig-tabang. Ibig sabihin nito, maaari silang mabuhay sa karagatan, mga ilog, at lawa! Lumalangoy sila mula sa Karagatang Atlantiko at dumaraan sa mahabang ilog para manirahan sa Lake Nicaragua.

Palo de Mayo

Larawan ng pole na ginayakan ng makukulay na laso o ribbon at iginuhit na larawan ng ulap na may dalang ulan

Ang mga tao sa Nicaragua ay may malaking pista na tinatawag na Palo de Mayo pagdating ng panahon ng tag-ulan. Nilalagyan nila ng makukulay na lasong dekorasyon ang isang puno o pole at sasayaw sila paikot dito at magsasaya sa buong buwan.

Aktibidad

Chuwis

Paglalarawan ng berdeng beans sa isang tasa

Ang Chuwis ay laro ng mga bata sa Nicaragua. Para malaro ito, kailangan mo ng berdeng beans (o mga patpat) at butas sa lupa (o isang tasa). Magbigay ng limang beans sa bawat manlalaro. Isa-isang ihahagis ng unang manlalaro ang beans sa butas. Kung mayroong hindi mapapasok sa butas, titigil sila, at ang susunod na manlalaro naman ang maghahagis. Ang unang manlalaro na makapagpapasok ng limang beans sa butas ang panalo!

Resipe

Gallopinto

Larawan ng pinggan na may kanin at black beans

Sa Nicaragua, marami ang kumakain ng ganitong luto ng kanin at beans araw-araw. Narito ang isang bersiyon ng resipe na maaari mong subukan!

1. Initin ang 2 kutsarang mantika at 1/2 hiniwa-hiwang dilaw na sibuyas. Haluin sa loob ng 5 minuto.

2. Ihalo ang 1 1/2 tasang puting bigas sa loob ng 2 hanggang 3 minuto.

3. Magdagdag ng asin at 3 tasang tubig. Alisin ang mga buto sa kalahati ng berdeng bell pepper at ilagay ito sa ibabaw.

4. Takpan at lutuin sa loob ng 15 minuto hanggang sa halos wala nang tubig.

5. Alisin ang naluto nang bell pepper at maghalo ng 2 tasa ng lutong red o black beans at 1/2 kutsaritang garlic powder. Lutuin sa loob ng 10 minuto.

Siguraduhing magpatulong sa isang adult!

PDF ng Kuwento

Mga larawang-guhit ni Dave Klüg