Eja, Më Ndiq – Veprimtaritë

Për mbrëmjen e shtëpisë ose studimin e shkrimeve të shenjta – apo thjesht për argëtim!

28 Tetor – 3 Nëntor

Duajeni Njëri‑Tjetrin

Për kapitujt te Mormoni 1–6

Mormoni i donte nefitët (shih te Mormoni 3:12). Ati Qiellor dhe Jezu Krishti na kanë kërkuar që t’i duam edhe njerëzit e tjerë. Qëndroni në një rreth dhe mbyllini sytë. Numëroni deri në tre, pastaj hapini sytë dhe shikoni te dikush tjetër. Nëse e shikoni njëri‑tjetrin në sy, thoni diçka që ju pëlqen shumë rreth njëri‑tjetrit dhe dilni nga rrethi. Vazhdoni derisa të mbetet vetëm një person. Pastaj gjithsecili thotë diçka që i pëlqen shumë rreth atij personi.

Për fëmijët më të vegjël: Shkoni në një gjueti “dashurie” nëpër shtëpinë tuaj ose jashtë në natyrë. Ftojini të vegjlit tuaj të gjejnë gjëra që u sjellin ndërmend njerëz të cilët ata i duan.

4–10 Nëntor

Arti i Mrekullive

Për kapitujt te Mormoni 7–9

Kur e ndjekim Jezu Krishtin, Ati Qiellor mund të na bekojë me mrekulli. Lexo te Mormoni 8:24 dhe vizato një nga mrekullitë e përshkruara në këtë varg. Ndërsa vizaton, fol për mrekullitë që ka bërë Ati Qiellor për familjen tënde.

Për fëmijët më të vegjël: Shpjegojuni të vegjëlve tuaj se çfarë është një mrekulli. Pastaj këndoni ose dëgjoni këngën “The Miracle” (Liahona, qershor 2018, f. 72–73).

11–17 Nëntor

Gurë për Pikturim

Për kapitujt tek Ethëri 1–5

Vëllai i Jaredit i kërkoi Zotit që të prekte gurët me qëllim që varkat e tij të kishin dritë (shih tek Ethëri 3). Mblidh gurë jashtë në natyrë ose prit rrathë nga copa letre. Në gurët ose letrat e tua shkruaj, vizato ose pikturo gjëra që mund të bësh për t’u sjellë dritë dhe dashuri njerëzve të tjerë.

Për fëmijët më të vegjël: Lexojuni të vegjëlve tuaj vargun tek Ethëri 3:15 dhe u thoni se ne u krijuam që të dukeshim si Perëndia. Pastaj përgatitni një ushqim të lehtë dhe të shëndetshëm ose shkoni për shëtitje së bashku që të kujdeseni për trupat që jua dha Perëndia.

18–24 Nëntor

Këngët Falënderuese

Për kapitujt tek Ethëri 6–11

Teksa udhëtonin nëpër det, vëllai i Jaredit dhe familja e tij i kënduan lavde Zotit për ta falënderuar që i ndihmoi (shih tek Ethëri 6:9). Edhe ti mund të këndosh për ta falënderuar Zotin. Zgjidh një këngë të parapëlqyer nga Libri i Këngëve të Fëmijëve ose këndi i Kishës në internet dhe këndojeni së bashku. Në çfarë mënyre tjetër mund t’i tregosh Atit Qiellor se je mirënjohës?

Për fëmijët më të vegjël: Me të vegjlit tuaj, bëni sikur jeni në një varkë si jareditët. Këndoni këngët tuaja të parapëlqyera të Fillores, ndërsa lëkundeni para dhe mbrapa.

Ilustrimet nga Katy Dockrill