“Jezu Krishti do të Vijë Përsëri”, Miku, nëntor 2024, f. 2–3.
Një Mesazh Konference nga Profeti
Jezu Krishti do të Vijë Përsëri
Përshtatur nga “Zoti Jezu Krisht do të Vijë Përsëri”, Liahona, nëntor 2024, f. 121–122.
Shpëtimtari ju bëri këtë premtim: “Unë do të jem në të djathtën e në të majtën tuaj dhe Shpirti im do të jetë në zemrat tuaja e engjëjt e mi përreth jush, për t’ju ngritur lart” (Doktrina e Besëlidhje 84:88).
Jezu Krishti i mori mbi Vete mëkatet tuaja, dhembjet tuaja dhe pikëllimet tuaja. Ai do t’ju falë ndërsa pendoheni. Ai do t’ju bekojë me atë çka ju nevojitet.
Sot ju bëj thirrje të ndihmoni për ta përgatitur botën për Ardhjen e Dytë të Zotit. Ju bëj thirrje të flisni për Krishtin, të dëshmoni për Krishtin, të keni besim te Krishti dhe të gëzoheni në Krishtin! Ky është sekreti i një jete me gëzim.
Më e mira pritet të vijë, ndërsa e drejtojmë plotësisht zemrën dhe jetën tonë te Jezu Krishti.
Gati Kur Ai të Vijë Përsëri
Presidenti Nelson na ftoi të përgatitemi për Ardhjen e Dytë të Jezu Krishtit. Bëj një vizatim të asaj që do të bësh për t’u përgatitur. Shih më poshtë për disa ide nga biseda e Presidentit Nelson!
Bëji dhe mbaji besëlidhjet
Ndihmo për t’i sjellë të tjerët te Krishti
Përgatitu të shkosh në tempull
Mëso rreth Jezu Krishtit dhe Shlyerjes së Tij