“Lako Mai vei Karisito ka Kua ni Lako Duadua Mai,” Me iSakisaki ni iTabagone, Nove. 2022
Soqoni ena Mataka ni Vakarauwai
Lako mai vei Karisito, ka Kua ni Lako Duadua Mai
Veitikina lavetaki
O bau vakila mo vakasaqara edua na ka, vakasamataka ke kilai iko dina na Kalou kei na ituvaki ni nomu bula ke gadrevi iko? Kemuni na itabagone, kei kemuni kece, au vakadinadinataka ni kena isau na io! Sa tiko na ituvatuva ni Turaga baleti iko. E sa vakarautaki iko o Koya me baleta na siga nikua, na gauna oqo, mo qaqa ka tutaka na vinaka ena Nona cakacaka cecere. Keimami gadrevi kemuni! Ena sega sara ni cecere ni ko yali! …
… Lako Mai vei Karisito. Lako mai, kakua ni lako duadua mai! …
Nanuma tiko, na gaunisala vinaka duadua me vakavinakataki kina o vuravura sa ikoya me vakarautaki o vuravura me ciqomi Karisito ena nodra na tamata kecega mera vakamuri Koya.
E kila talega o Koya na noda vakararawataki ka kaci, Kauti ira mai sa nuiqawaqawa ka lauqa, ira sa oca, na domodomoqa kei ira era sega ni rogoci, na galili, se o ira “era tauvimate cava ga.”
… O cei meu na kauta vei Karisito? Ocei o na kauta mai o iko? …
… Kemuni na goneyalewa kei na cauravou, tekivu nikua, ena nomuni itikotiko. …
Sa dua dina na gauna lagilagi oqo meda vakaitavi ena inaki i Karisito!
Io, o sa, mai tiko oqo me baleta e dua na ka lagilagi. Au duavata kei Peresitedi Nelson, ka kaya: “Na Turaga e gadrevi iko mo veisautaka na vuravura. Ni ko sa ciqoma ka muria na Lomana baleti iko, o na raica ni ko sa cakava na veika dredre sara!” [Russell M. Nelson, Vakayacora Rawa na Veika dredre: Na Ka e Cakava na Kalou, Na ka Eda Rawa ni Cakava (2015), 147.