“Na Vakacegu Yadudua ena Veigauna Veibolei,” Me iSakisaki ni iTabagone, Nove. 2022.
Soqoni ena Mataka ni Sigatabu
Na Vakacegu Yadudua ena Veigauna Veibolei
Veitikina lavetaki
Na sautu e vuravura e sega ni yalataki se vakadeitaki me yacova sara na iKarua ni Lako Mai i Jisu Karisito. …
Ia, na vakacegu, ni tamata yadua ena rawati e dina ni tu na cudru, veisei, kei na tatawasewase e vakabutotaka ka vakaduka na noda vuravura nikua. E se sega vakadua ni bibi cake me vakaoqo me da vakasaqara na vakacegu yadudua. …
Eda na sega ni vakasuka mai na noda igu me rawati na veivinakati ni vuravura raraba, eda sa vakadeitaki ni da na rawata na vakacegu yadudua me vaka a vakatavulica o Karisito. Na ivakavuvuli oqo e vakamatatataki tu ena Vunau kei na Veiyalayalati: “Mo dou kila ni ko koya sa vakayacora tiko vakadodonu na nona itavi ena rawata vakaidina na kena isau, io ena kune vakacegu ena bula oqo ka rawata na bula tawamudu ena bula sa bera mai.” [Vunau kei na Veiyalayalati 59:23.
Na cava mada na “vakayacora tiko vakadodonu na nona itavi” ka na vukei keda me da walia na veiba ka vakalailaitaka na veisei ka kunea na veisaututaki ena vuravura oqo. Na ivakavuvuli kece nei Karisito e dusi kece tu ki na vanua oqo. Meu tukuna mada e vica kau nanuma ni bibi sara.
A imatai: Lomana na Kalou, Bulataka Nona iVunau, ka Vosota na Tamata kecega …
A ikarua: Vakasaqara na Vua ni Yalo …
A ikatolu: Vakayagataka na Galala mo Digitaka na iValavaladodonu …
A ikava: Tarai Saioni cake ena Yalomu kei na nomu Vale …
A ikalima: Muria na iVakaro Nikua ni Noda Parofita …
Au vakadinadinataka ka solia na noqu ivakadinadina vaka iApositolo ni o Jisu Karisito sa iVakabula ka Dauveivueti kei vuravura, e liutaka ka dusimaka tiko na Nona Lotu vakalesuimai. Na Nona bula kei na ilesilesi ni veisorovaki era sa ivurevure dina ni vakacegu. O Koya na Tui ni Sautu.