“Sureta na Karisito me Vola na Kemu iTalanoa,” Me iSakisaki ni iTabagone, Nove. 2022.
Soqoni ena Mataka ni Sigatabu
Sureta na Karisito me Vola na Kemu iTalanoa
Veitikina lavetaki
Au vakadinadinataka ni iVakabula sa “vakatekivuna ena sauma talega na noda vakabauta.” [Iperiu 12:2]. O na sureti Koya beka me vola ka tinia talega na kemu italanoa? …
Na ivakavuvuli cecere ni bula galala, sa dina sara, e vakatara meda vola ga na keda italanoa—a rawa vei Tevita me lesu i vale, ka laki vakatawa sipi. Ia o Jisu Karisito sa tu vakarau me vakayagataki keda meda iyaragi vakalou, penikau gagata e Ligana, me vola na italanoa naba dua! …
… Ia me qaqa ga na Kalou, me vola ga o Koya ka tinia na keda italanoa, ena gadrevi kina meda maroroya na Nona ivakaro kei na veiyalayalati eda sa cakava. Na noda maroroya na ivakaro kei na veiyalayalati ena dolava na wa ni vosavosa vei keda meda ciqoma na ivakatakila mai vua na Yalo Tabu. Sa yaco oqo ena ivakaraitaki mai vua na Yalo eda na vakila na ligana na iVakavuvuli, sa vola vata kei keda na keda italanoa. …
Cava na vuna eda gadreva kina na iVakabula me vola ka tinia na keda italanoa? Baleta ni kila vinaka o Koya na noda gugumatua, ena kauti keda ki na veivanua eda sega mada ni da raitayalotaka. Ena cakava o Koya meda sa Tevita se Esiteri. Ena teteki keda ka savai keda meda vakataki Koya sara. Na veika eda na rawata ni da cakacaka ena vakabauta ena vakalevutaka noda vakabauti Jisu Karisito.
Eda na lewai mai na noda ivola ni bula. Eda rawa ni digitaka meda vola na keda itukutuku veivakacegui. Se meda vakatara na iLiuliu Daunivola ka iTini meda vola vata na keda italanoa, kei na ilesilesi e gadreva meda cakava e uasivia na sasaga tale eso.
Laiva na Karisito me vola ka tinia na kemu italanoa!