2021
Rawarawa ka Totoka—Totoka qai Rawarawa
Noveba 2021


“Rawarawa ka Totoka—Totoka qai Rawarawa,” Me iSakisaki ni iTabagone, Nove. 2022.

Soqoni ena Yakavi ni Vakarauwai

Rawarawa ka Totoka—Totoka qai Rawarawa

Veitikina lavetaki

iVakatakilakila
O Jisu Karisito e Kecisemani

Me da rawata na bula tawamudu, sa dodonu me da “lako mai vei Karisito, ka mo dou vakataucokotaki vua” [Moronai 10:32]. Ni da lako mai vei Karisito ka vukei ira na tamata me ra kitaka vakakina, eda sa vakaitavi tiko ena cakacaka ni veivakabulai ni Kalou kei na bula vakacerecerei, ka vakanamata ki na itavi lesi vakalou. Na vei itavi vakalou oqo e veitokoni ki na i dola ni matabete vakalesuimai ka ratou a vakalesuya mai o Mosese, Iliesa, kei Ilaija, ka tukuni tu ena ika 110 ni wase ni Vunau kei na Veiyalayalati, kei na ikarua ni ivunau levu ka soli mai vei keda o Jisu Karisito meda lomana na wekada me vaka eda sa lomani keda. Eratou kunei ena imatai ni rua na draunipepa ena iVoladusidusi Raraba, sa vakarautaki tu vei ira kece na lewenilotu. …

  1. Bulataki ni kosipeli i Jisu Karisito

  2. Nodra vukei o ira era gadreva tu na veivuke

  3. Sureti ira na tamata kecega me ra ciqoma na kosipeli

  4. Vakaduavatataki me tawamudu na matavuvale

Ena rawa mo raica me vakataki au: ni oqo e dua na mape ni sala me dusimaki keda lesu tale vua na Tamada Vakalomalagi dauloloma. …

E sa dau cavuti tiko ni kosipeli i Jisu Karisito e sa “rawarawa ka totoka ka totoka qai rawarawa.” Na vuravura e sega. E dredre, vereverea, ka sinai ena veilecayaki kei na veisaqasaqa. Eda na kalougata ni da qaqarauni meda kua ni vakatara na vereverea, ka sa kune vakalevu tu e vuravura, me curuma na sala eda ciqoma ka bulataka kina na kosipeli. …

… E dodonu vei keda kece meda vakarawarawataka na kosipeli—ena noda bula, noda matavuvale, ena noda vei kalasi kei na vei kuoramu, kei na noda vei tabanalevu kei na iteki.

Tabaka