“Na Veika ni Yaloqu,” Me iSakisaki ni iTabagone, Nove. 2022.
Soqoni ena Yakavi ni Vakarauwai
Na Veika ni Yaloqu
Veitikina lavetaki
E wasoma nodra dau tarogi au na itabagone na veika au vakabauta kei na vuna au vakabauta kina. …
Meu wasea mada vei kemuni eso na veika ni yaloqu? Na veika oqo sa baleti ira kece era segata me ra tisaipeli dina i Jisu Karisito. …
iMatai, lomana na Kalou na Tamada kei Jisu Karisito, na noda iVakabula. …
iKarua, “Lomana na kai nomu” [Maciu 22:39]. …
iKatolu, lomani iko.
Qo na vanua era sasaga dredre tiko kina e levu. E sega beka ni da dau liaca ni dredre cake na lomani keda vakataki keda mai na lomani ira na tani? Ia na Turaga e kaya, “Mo lomana na kai nomu me vaka ko lomani iko.” [Maciu 22:39]. E vakabibitaka o Koya na bula vakalou e tu vei keda; ka sa dodonu vakakina vei keda. Ni da bikai ena icolacola bibi ni cala, mosi ni yalo, yalolailai, rarawa, cudru, se ivalavala ca, na kaukauwa ni Veisorovaki ni iVakabula, ena lewa vakalou, e dua na ka ena laveta na yalo.
iKava, maroroya na vunau.
iKalima, dau kilikili e veigauna mo curuma na valetabu.
iKaono, mo yaloreki ka mamarau.
iKavitu, muria na nona parofita bula na Kalou.
Oqo beka na ikavitu ena noqu ituvatuva ni veika oqo, ia e toka sara ga e cake ena noqu vakasama me baleta na kena bibi nikua.
E tiko e dua na parofita ni Kalou e vuravura nikua! Kakua ni vakawalena na kena ibalebale oya vei iko. …
… Au sureti kemuni mo ni raica na nomui ka walu, ciwa, kei na tini. Vakasamataka na sala mo wasea kina na nomu “veika” bibi ni yalomu vei ira tale eso ka vakayaloqaqataki ira me ra masu, vakananuma vakatitobu, ka kerea na veituberi ni Turaga.