“Na Nona Yalololoma Tudei na iVakabula,” Me iSakisaki ni iTabagone, Nove. 2022.
Soqoni ena Mataka ni Vakarauwai
Na Nona Yalololoma Tudei na iVakabula
Veitikina lavetaki
E dua na ivakavuvuli veilauti duadua a vakatavulica na iVakabula ena Nona veiqaravi e vuravura sa ikoya na bibi ni nodra qaravi na tamata ena yalololoma.…
… A cakacaka ena yalololoma na iVakabula vei ira kece era na lako mai Vua—sega ni yalani—ka vakabibi vei ira era gadreva vakalevu na Nona veivuke. …
… Na vakaraitaki ni yalololoma me baleti ira na tamata, sa dina sara, ni sa usutu ni kosipeli i Jisu Karisito ka dua na vakaidinadina toqai ni noda voleka vakayalo kei na lomada ki vua na iVakabula.
… E vuqa na tamata era tu wavolita na noda wirini ni veivakauqeti era sa vakasaqara tiko na vakacegu, kauwaitaki, okati, kei na veivuke cava ga eda rawa ni solia vei ira. Eda rawa kece ni iyaragi ni cakacaka ena liga ni Turaga ka veiqaravi ena yalololoma kivei ira era gadreva tu, me vaka ga a vakayacora o Jisu.
… Me da kakua sara ni lewai ira vakaca ka vakatawalolomataki ira na wekada, baleta ni da gadreva kece tu na vosoti kei na loloma veivueti mai vua na Tamada Vakalomalagi dauloloma me baleta noda malumalumu.
Kemuni na noqu itokani lomani, au vakadinadinataka ni da segata me da taurivaka na ivakaraitaki yalololoma ni iVakabula ki na noda bula, na noda rawa ni vakacaucautaka na nodra bula dodonu na wekada ena tubu cake ka na lutu sobu na noda itovo matau vakatamata me da vakataulewa ki na nodra malumalumu. Na noda veiyaloni kei na Kalou ena tubu, kei na noda bula ena kamikamica cake vakaidina, na malumu cake na yaloda, ka da na kunea e dua na ivurevure ni marau tawa-vakaicavacava. Eda na kilai tu ni da sa dauveisaututaki, na noda vosa sa vaka na tegu ni dua na mataka ni vulaitubutubu.