“Sa Noqu Masu me Vakayagataki Keda o Koya,” Me iSakisaki ni iTabagone, Nove. 2022.
Soqoni ena Yakavi ni Vakarauwai
Sa Noqu Masu Me Vakayagataki Keda o Koya
Veitikina lavetaki
Na Lotu i Jisu Karisito e vakaroti vakalou me raici ira na dravudravua. Oqo e dua vei ira na duru ni cakacaka ni veivakabulai kei na bula vakacerecerei.…
Na Lotu e vakarautaka e vuqa na mataqali veivuke, oka kina na:
-
na veiqaravi eda vakayacora ena Soqosoqo ni Veivukei, na kuoramu ni matabete, kei na vei kalasi.
-
na lolo kei na vakayagataki ni kena cau;
-
na iteitei ni welefea kei na vanua ni tawa kakana.
-
na vanua era ciqomi kina o ira na toki mai.
-
veivuke vei ira na kaivesu.
-
Na veivuke ni bula raraba ni Lotu.
-
kei na app na JustServe, ena vanua e tiko kina, e vakasotara vata na volodia kei na veiqaravi e rawa ni vakayacora.
… Dina ni sivia e 1,500 na veivakatorocaketaki baleta na KOVIDI-19, e dua na cakacaka vakaitamera duadua ena Lotu me veivuke ena loma ni 18 na vula sa oti, na Lotu e vakaitavitaki koya talega ena 933 ena leqa vakadraki tubukoso, kei na leqa vaka refuji ena loma ni 108 na matanitu. …
Ena nona vosa tiko ena sasaga ni veivuke raraba ena Lotu, a kaya kina o Elder Jeffery R. Holland: “Na masu e saumi… ena vuqa na gauna … ena nona vakayagataka e so na tamata na Kalou. Ia, sa noqu masu ni na vakayagataki keda o Koya” [“Neonatal Resuscitation with Elder Holland” (vidio), The Church of Jesus Christ of Latter-day Saints, Nov. 10, 2011, youtube.com]. …
Taciqu kei na ganequ, ena nomu veiqaravi, solia na gauna, loloma o isau tiko ni nodra masu na lewe vuqa. E se levu na ka meda vakayacora! Ni da lewe ni Lotu sa papitaiso, eda sa veiyalayalatitaka oti ni da na vukei ira era vakaleqai. Na noda sasaga yadua e sega ni gadrevi sara kina na ilavo se dua na vanua yawa; e gadrevi ga na veidusimaki ni Yalo Tabu kei na yalo e tu vakarau me tukuna vua na Turaga: “Koi au oqo, mo ni talai au.” [Aisea 6:8].