“Na Loloma ni Kalou,” Me iSakisaki ni iTabagone, Nove. 2022.
Soqoni ena Mataka ni Sigatabu
Veivakalesuimai e Veisiga
Veitikina lavetaki
E sega beka ni kurabuitaki ni veika lalai, ka vaka me dau vakawaletaki tu e rawa ni cakava e dua na duidui levu ena noda bula? …
E vuqa na veisau ena noda bula vakayalo—o koya e vinaka kei koya e ca—edau yaco ga mai, dua na ikalawa dua na gauna. …
… Sa tiko vei keda eso na ivakatakilakila laurai ka dei ka rawa ni da vakayagataka me vakadeuca kina na noda ilakolako.
Na cava mada o ira na ivakatakilakila oqo?
Io era okati kina na masu e veisiga kei na vakananuma vakatitobu na ivolanikalou ka vakayagataka na iyaya veivakauqeti me vaka na Lako Mai, Mo Muri Au. Ena veisiga yadua, eda rawa ni torova na itikotiko tabu ni Kalou ena yalo malumalumu kei na lomadina. Eda rawa ni vakananuma vakatitobu na noda i valavala ka railesuva na noda ivalavala e veisiga—ka vakatauvatana na lomada kei na noda gagadre vata kei na Nona. …
Mo nanuma me oqo e nomu, vakalesuimai ena veisiga. Ena noda i lakolako vaka vulagi-lako ena sala ni bula vakatisaipeli, eda kila na kena rawarawa meda lutu tani. Ia me vaka ni veisau lalai e rawa ni kauti keda tani mai na Sala ni iVakabula, sa vaka talega kina na veivakadodonutaki lalai eda cakava ena kauti keda lesu tale vakaidina. …
… E rawa meda soko curuma na butobuto kei na veivakatovolei ni bula oqo ka kunea na noda sala lesu vua na Tamada Vakalomalagi dauloloma ke da vaqara ka ciqoma na vei ivakatakilakila vakayalo sa vakarautaka tu o Koya, ciqoma noda dui ivakatakila, ka sasaga ki na veivakalesuimai e veisiga. Oqo na sala eda yaco kina me tisaipeli dina ni noda iVakabula lomani, o Jisu Karisito.