“Ko Sa Lomani Au Vakalevu Ka Vakalailai ko Iratou Oqo?,” Me iSakisaki ni iTabagone, Nove. 2022.
Soqoni ena Yakavi ni Vakarauwai
“Ko sa Lomani Au Vakalevu Ka Vakalailai ko Iratou Oqo?”
Veitikina lavetaki
Ko bau vakataroga tu beka se na cava e vakaibalebale taka o Jisu ni tarogi Pita ena, “Ko sa lomani au vakalevu ka vakalailai ko iratou oqo?” [Joni 21:15].…
E kauta beka mai vei keda na veika ni vuravura oqo na reki, marau, kei na vakacegu e dulaka na iVakabula vei ira na Nona tisaipeli ka dulaka talega mai o Koya vei keda? O Koya ga ena rawa ni kauta mai vei keda na reki dina, marau, kei na vakacegu mai na noda lomani Koya ka muria tiko na Nona ivakavuvuli. …
Ni da sa kunea na sau taucoko ni taro oqo, eda na rawa ni lewe ni matavuvale vinaka cake, neiba, lewe ni vanua, lewe ni Lotu, ka luvena tagane ka luvena yalewa na Kalou.
Na Tamada Vakalomalagi e sa rui lomani keda vakalevu ka vakarautaka kina o Koya na ituvatuva ni bula ka kena usutu na iVakabula. …
… Sa gadrevi me da vakabauti Jisu kei na ituvatuva ni marau ni Kalou. Na vakabauta sa ikoya meda lomana ka muria na iVakabula ka maroroya na ivakaro, ena gauna mada ga ni veivakatovolei se na veivakacacani. …
Me da kakua ni vakayalia na noda lomana ka vakanuinuitaki Jisu, kevaka madaga eda sotava tiko na veibolei e veiluvuci. Na Tamada Vakalomalagi kei Jisu e Rau na sega ni guilecavi keda. E Rau lomani keda. …
Me da dau nanuma tikoga ni noda marau dina e vakatau tikoga ena noda veiwekani kei na Kalou, kei Jisu Karisito, kei ira tale eso.
E dua na sala ni kena vakaraitaki na noda loloma sa ikoya na semati ni matavuvale, itokani, kei ira na wekada me da cakava eso na veika lalai me da veiqaravi vakavinaka cake kina vakai keda. Cakava na veika ena vakavuna me vuravura vinaka cake na vuravura oqo.
Na cava o rawa ni cakava ena nomu bula me vakaraitaka ni ko lomana tiko e liu na Turaga?