“Loloma ni Kalou: Sa Ka Rekitaki Duadua ki na Yaloda,” Me iSakisaki ni iTabagone Nove. 2022.
Soqoni ena Yakavi ni Vakarauwai
Loloma ni Kalou: Sa Ka Rekitaki Duadua Ki Na Yaloda
Veitikina lavetaki
E rawa ni da raitayalotaka na loloma ni Kalou me vaka na cina caudre mai ena dua na vunikau ni bula, e seraki koya yani ki na veiyasai vuravura taucoko ki na yalodra na luve ni tamata. Na rarama kei na loloma ni Kalou e vakasinaita na Nona veikabuli kece.
E so na gauna eda dau nanuma cala ni rawa ga me vakilai na loloma ni Kalou ni oti na noda muria tiko na itautauri kaukamea ka kania tiko na vuanikau. Ia, na loloma ni Kalou era sega ni ciqomi walega o ira era lako mai ki na vunikau ia sa ikoya sara ga na kaukauwa e vakauqeti keda me da vakasaqara na vunikau o ya. …
Na loloma ni Kalou e sega ni kune ena veituvaki ni noda bula, ia ena Nona iserau ena noda bula. Eda kila na Nona loloma ni da vakila na kaukauwa e levu cake mai na noda vakataki keda kei na gauna e dau kauta mai na Yalona na sautu, veivakacegui, kei na veidusimaki. Eso na gauna ena dredre me da vakila na Nona loloma. E rawa ni da masu ka kerea me tadola na matada me da raica na Ligana ena noda bula ka raica talega na Nona loloma ena totoka ni nona veika buli.
Ni da vakasamataka na bula ni iVakabula kei na Nona veisorovaki sega ni yalani rawa, eda na rawa ni kila vinaka na Nona loloma vei keda. …
Au vakadinadinataka ni noda Turaga ka iVakabula a mate dina sara ena vukuda yadua kece sara. E a vakaraitaki ni Nona Loloma sega ni yalani rawa vei keda vakakina vei Tamana. …
Me tadola na yaloda ka ciqoma na loloma savasava ni Kalou sa solia vei keda ka qai sovaraka na Nona loloma ki na veika eda cakava kei na keda ituvaki.