“Pagsangyaw sa Ebanghelyo sa Kalinaw,” Alang sa Kalig-on sa mga Kabatan-onan, Mayo 2022.
Sabado sa Buntag nga Sesyon
Pagsangyaw sa Ebanghelyo sa Kalinaw
Mga Kinutlo
Sukad sa kataposang komperensiya, ang mga kalisod sa kalibotan nagpadayon. Ang tibuok kalibotan nga pandemya nakaapekto lang gihapon sa atong kinabuhi. Ug karon ang kalibotan gitay-og sa usa ka panagbangi. …
Mga kaigsoonan, ang ebanghelyo ni Jesukristo wala pa sukad mas gikinahanglan kaysa karon. … Gihigugma nako si Ginoong Jesukristo ug nagpamatuod nga ang Iyang ebanghelyo mao lamang ang malahutayong kasulbaran alang sa kalinaw. …
… Kita adunay sagrado nga responsibilidad sa pagpakigbahin sa gahom ug kalinaw ni Jesukristo ngadto sa tanan kinsa maminaw ug kinsa mopatigbabaw sa Dios diha sa ilang kinabuhi.
Ang matag tawo nga mihimo og mga pakigsaad sa Dios misaad sa pag-amuma sa uban ug pagserbisyo niadtong nanginahanglan. Kita makapakita sa hugot nga pagtuo diha sa Dios ug kanunay nga andam nga motubag niadtong mangutana bahin sa “paglaom nga anaa [kanato]” [1 Pedro 3:15]. …
Karong adlawa ako kusganong mopanghimatuod og balik nga ang Ginoo miawhag sa matag takos, makahimo nga batan-ong lalaki sa pagpangandam ug pagserbisyo sa misyon. …
Alang kaninyo nga batan-on ug makahimo nga mga sister, ang usa ka misyon gamhanan usab, apan opsiyonal, nga oportunidad. …
… Amo usab gihangop ang senior nga mga magtiayon sa pagserbisyo kon ang ilang mga sirkumstansiya motugot. …
Ang tanang misyonaryo nagtudlo ug nagpamatuod sa Manluluwas. Ang espirituhanon nga kangitngit sa kalibotan nakapahimo sa kahayag ni Jesukristo nga mas gikinahanglan karon. Ang tanan angayan nga hatagan og kahigayonan nga mahibalo bahin sa gipahiuli nga ebanghelyo ni Jesukristo.