“Ang Gahom sa Kadasig sa Espirituhanong Paglambo,” Alang sa Kalig-on sa mga Kabatan-onan, Mayo 2022.
Dominggo sa Buntag nga Sesyon
Ang Gahom sa Kadasig sa Espirituhanong Paglambo
Mga Kinutlo
Ang kadasig sa paglambo gamhanan kaayo nga konsepto. …
Karon, ganahan kong mosugyot og lima ka piho nga mga buhat nga atong mahimo aron matabangan kita nga mapadayon ang positibo nga espirituhanong paglambo.
Una: Subaya ang dalan sa pakigsaad ug magpabilin diha. …
… Ang dalan sa pakigsaad mao lamang ang dalan padulong sa kahimayaan ug kinabuhing dayon.
Diskobreha ang kalipay sa inadlaw nga paghinulsol. …
… Ang paghinulsol mao ang yawe sa kalamboan. Ang lunsay nga hugot nga pagtuo maghimo nga makapadayon kita sa dalan sa pakigsaad.
Palihog ayaw kahadlok o ilangay ang paghinulsol. …
Ang akong ikatulo nga sugyot: Magkat-on mahitungod sa Dios ug sa unsang paagi Siya naglihok. …
… Sa ingon, ang pangontra sa plano ni Satanas klaro: Kita nagkinahanglan og inadlaw nga mga kasinatian sa pagsimba sa Ginoo ug pagtuon sa Iyang ebanghelyo. …
Sugyot numero 4: Tinguhaa ug laomi ang mga milagro. …
… Pipila ka butang ang mopakusog sa inyong esprituhanong paglambo labaw kay sa pagkamatikod nga ang Ginoo nagtabang kaninyo sa pagbalhin og usa ka bukid sa inyong kinabuhi.
Sugyot numero 5: Taposa ang kasungian sa inyong personal nga kinabuhi. …
… Magbansay sa pagpaubos, kaisog, ug kalig-on nga gikinahanglan sa pagpasaylo ug sa pagtinguha og kapasayloan. …
… Kon ang kapasayloan sa karon ingon og imposible, pangayo og gahom pinaagi sa makatubos nga dugo ni Jesukristo sa pagtabang kaninyo. Kon kini inyong buhaton, mosaad ko og personal nga kalinaw ug usa ka kusog nga espirituhanong paglambo. …
Samtang inyong lihokon kini nga mga tinguha, ako mosaad kaninyo og abilidad nga makapadayon sa dalan sa pakigsaad uban sa nagkadugang nga kadasig sa paglambo, bisan unsa ang mga babag nga inyong giatubang. Ug mosaad ko kaninyo og dugang nga kalig-on sa pagbatok sa tintasyon, dugang nga kalinaw sa hunahuna, ug kagawasan gikan sa kahadlok, ug dugang nga kahiusahan sa inyong mga pamilya.