“Buhata Unsay Labing Mahinungdanon,” Alang sa Kalig-on sa mga Kabatan-onan, Mayo 2022.
Kababayen-an nga Sesyon
Buhata Unsay Labing Mahinungdanon
Mga Kinutlo
Ang pagkahimong disipulo ni Jesukristo naglangkob og labaw pa kay sa molaom o motuo. Kini nagkinahanglan og paningkamot, paglihok, ug pasalig. Kini nagkinahanglan nga kita mobuhat og usa ka butang. …
Sa atong mga paningkamot sa pagbuhat og usa ka butang, o pagbuhat og bisan unsang butang kita tingali mangutana sa atong kaugalingon, “Unsay labing mahinungdanon?” …
-
Kon pila ka “mga like” ang atong makuha sa atong mga post sa social media? O kon unsa kita ka pinangga ug ka bililhon sa atong Langitnong Amahan?
-
Pagsul-ob sa bag-ong uso nga sinina? O pagpakita og pagtahod sa atong mga lawas pinaagi sa pagsinina og tarong?
-
Pagkaplag og tubag pinaagi sa pagpangita diha sa internet? O pagdawat og mga tubag gikan sa Dios pinaagi sa Espiritu Santo?
-
Gusto pa og daghan? O makontento sa unsay gihatag kanato? …
… Ang ebanghelyo ni Jesukristo mao ang ebanghelyo sa aksiyon ug ebanghelyo sa hingpit nga kalipay! Dili nato ipakaubos ang atong kapasidad sa pagbuhat niadtong mga butang nga labing mahinungdanon. Ang atong balaanong kabilin naghatag nato og kadasig ug pagsalig sa pagbuhat ug mamahimo sa tanan nga ang atong Langitnong Amahan nasayod nga kita mamahimo. …
… Dili kini mahitungod sa pagbuhat og daghan pa. Kini mahitungod sa pagbuhat sa unsay mahinungdanon. Kini mao ang paggamit sa doktrina ni Kristo sa atong mga kinabuhi samtang maningkamot kita nga mas mahisama Niya. …
Samtang atong isentro ang atong kinabuhi diha ni Jesukristo, kita magiyahan sa pagbuhat sa unsay labing mahinungdanon. Ug kita mapanalanginan og espirituhanong kalig-on, pagkakontento, ug hingpit nga kalipay!