“Ayaw Kabalaka: Salig Lamang!,” Alang sa Kalig-on sa mga Kabatan-onan, Mayo 2022.
Sabado sa Hapon nga Sesyon
Ayaw Kabalaka: Salig Lamang!
Mga Kinutlo
Sa pagkonsiderar sa atong panahon, masabtan ra kon mokunhod og gamay ang ideyalismo sa kabatan-onan. …
Ang akong pangamuyo karon sa atong kabatan-onan, ug ninyo nga mga ginikanan ug mga hingkod kinsa nagtambag kanila, mao nga sugdi ang inyong pagsiksik alang sa kalipay pinaagi sa paghangop sa kalipay nga atoa nang nadawat gikan sa tighatag sa tanan nga maayong gasa. Niini gayod nga panahon daghan sa kalibotan dunay lisod nga mga pangutana bahin sa kalag, nga angay natong tubagon uban sa “maayong balita” bahin sa ebanghelyo ni Jesukristo. Ang Simbahan ni Jesukristo sa mga Santos sa Ulahing mga Adlaw, nga padayong naghupot sa misyon ug mensahe sa Manluluwas sa kalibotan, nagtanyag sa labing mahangturon nga makahuloganong paagi sa pagpangita sa maayo ug pagbuhat og maayo atol sa gikinahanglan kaayong panahon. …
Ngadto ni bisan kinsa sa atong kabatan-onan nga anaa sa panglimbasog, bisan unsay inyong mga kabalaka o mga kalisod, ang kamatayon pinaagi sa paghikog napamatud-an nga dili maoy tubag. Dili kini makahupay sa kasakit nga inyong gibati nga sa inyong hunahuna kamo ang hinungdan. Dinhi sa kalibotan nga nagkinahanglan gayod sa tanan nga kahayag nga maangkon niini, palihog ayaw pagamyi ang mahangturon nga kahayag nga gibutang sa Dios sa inyong kalag sa wala pa kini nga kalibotan. Pakigsulti sa uban. Pangayo og tabang. Ayaw gub-a ang kinabuhi nga gibuhisan ni Kristo sa Iyang kinabuhi aron matunhay. Masugakod ninyo ang mga panglimbasog niining mortal nga kinabuhi tungod kay kami motabang ninyo sa pagpas-an niini. Mas lig-on kamo kay sa inyong hunahuna. Anaa ang tabang, gikan sa uban ilabi na gikan sa Dios. Gipangga kamo, ug gipakabili ug gikinahanglan. Nagkinahanglan kami kaninyo! “Ayaw kabalaka: salig lamang.” …
” …Kita daghan kaayo og hinungdan nga maglipay. Kita aduna sa usag usa, ug kita aduna Kaniya. Ayaw ihikaw ngari kanamo ang kahigayonan nga kamo anaa.