“Pagsunod kang Jesus: Pagkahimong Magbubuhat og Kadaitan,” Alang sa Kalig-on sa mga Kabatan-onan, Mayo 2022.
Sabado sa Buntag nga Sesyon
Pagsunod kang Jesus: Pagkahimong Magbubuhat og Kadaitan
Mga Kinutlo
Ang Ginoo mitudlo unsaon sa pagpakabuhi, kaniadto ug karon sa usa ka kalibotan nga puno sa panagbingkil. “Bulahan ang magbubuhat og kadaitan,” Siya mipahayag, “kay sila pagatawgon nga mga anak sa Dios” [Mateo 5:9]. …
Sa unsa nga paagi nga ang usa ka magbubuhat og kadaitan mopakalma ug mopabugnaw sa nagsiga nga mga pana? Sigurado dili ang pagnunot ngadto niadtong nagsulti og daotan kanato. Hinoon, kita magpabilin nga masaligon sa atong hugot nga pagtuo, mopaambit sa atong mga gituohan uban ang kombiksyon, apan kanunay nga maglikay sa kasuko o malisya. …
Unsa ang nakahatag nato og kalig-on sa kaugalingon sa pagpabugnaw, pagpakalma, ug pagsanta sa nagsiga nga mga pana nga gitumong ngadto sa mga kamatuoran nga atong gimahal? Ang kalig-on nagagikan sa atong hugot nga pagtuo ni Jesukristo ug sa atong hugot nga pagtuo sa Iyang mga pulong. …
Bisan og ang among mapainubsanong tinguha mao nga mapasidunggan sa tanan ang mga pagtulon-an sa Manluluwas, ang mga pulong sa Ginoo pinaagi sa Iyang mga propeta sa kasagaran sukwahi sa panghunahuna ug sa uso sa kalibotan. Nahitabo kini sukad pa sa una. …
Kita tinud-anay nga nahigugma ug nag-atiman sa tanan natong mga silingan, mituo man sila o wala sama sa atong gituohan. …
… Adunay mga panahon nga ang pagkahimong magbubuhat og kadaitan nagpasabot nga pugngan nato ang tinguha sa pagtubag ug hinoon uban sa kaligdong, magpabilin nga hilom. …
… Subo lang, dili tanan ang magpabilin nga lig-on sa ilang gugma alang sa Manluluwas ug sa ilang determinasyon sa pagtuman sa Iyang mga sugo. …
Kita usab makabiya gikan sa panagbingkil ug mopanalangin sa mga kinabuhi sa uban samtang dili nato itago ang atong kaugalingon sa ubang tawo. …
Hinaot nga kita mahigugma Kaniya ug maghigugmaay sa usag usa. Hinaot nga kita mahimong magbubuhat og kadaitan, aron nga kita matawag nga “mga anak sa Dios.”