“Nagdayeg kang Kristo ug sa Iyang Ebanghelyo,” Alang sa Kalig-on sa mga Kabatan-onan, Mayo 2022.
Dominggo sa Hapon nga Sesyon
Nagdayeg kang Kristo ug sa Iyang Ebanghelyo
Mga Kinutlo
Namalandong ko unsa pa kaha sa espirituhanon nga katingala, sa laing pagkasulti, nga atong mahimo ug kinahanglan nga mabati alang sa ebanghelyo ni Jesukristo ug sa kalainan nga mahimo niini sa atong pagkadisipulo ug sa atong panaw paingon sa kinabuhing dayon. …
… Ang labing importante nga bahin sa atong paningkamot niini nga panaw mao, siyempre, ang duha ka dagkong sugo: sa paghigugma sa Ginoo nga atong Dios ug sa paghigugma sa atong silingan sama sa atong kaugalingon. …
… Busa, kon tuyoon nato ug tinud-anay nga mopahinungod sa atong kaugalingon nga maghunahuna Kaniya ug magkat-on gikan sa Iyang hingpit nga ehemplo, mas makaila kita Kaniya. Kita molambo sa kadasig ug magtinguha sa paglakip sa atong mga kinabuhi sa kinatas-an nga sumbanan kon sa unsang paagi kita kinahanglang magpakabuhi, sa ehemplo nga kinahanglan natong ipakita, ug sa mga sugo nga kinahanglan natong sundon. …
Akong minahal nga mga higala, tanan niini nga mga butang magpalig-on sa atong espirituhanon nga katingala kabahin sa ebanghelyo ug modasig kanato aron malipayong motuman sa mga pakigsaad nga atong gihimo sa Ginoo—bisan taliwala sa mga pagsulay ug mga hagit nga atong masinati. …
… Ako nag-ampo nga kita kanunayng mobarog nga nagdayeg ni Jesukristo ug sa Iyang kompleto, walay kataposan, ug hingpit nga gugma. Hinaot nga ang panumdoman sa unsay nakita sa atong mga mata ug nabati sa atong mga kasingkasing makapalambo sa atong katingala sa maulaong sakripisyo sa Manluluwas, nga makaayo kanato sa atong espirituhanon ug emosyonal nga mga samad ug makatabang kanato nga mas makapaduol ngadto Kaniya.