“Matag Usa Kanato Adunay usa ka Istorya,” Alang sa Kalig-on sa mga Kabatan-onan, Mayo 2022.
Sabado sa Hapon nga Sesyon
Matag Usa Kanato Adunay usa ka Istorya
Mga Kinutlo
Mga higala, mga kaigsoonan, matag usa kanato adunay usa ka istorya. Samtang kita modiskobre sa atong istorya, kita makonektar, kita mahisakop, kita mamahimo. …
Kahibalo ba kamo sa inyong istorya? …
… Ikonektar ang imong buhi nga handomanan sa mga ngalan sa pamilya gamit ang 10 ka bilyon nga mapangita nga mga ngalan nga anaa na karon sa FamilySearch sa online nga koleksiyon niini ug ang 1.3 ka bilyon nga mga indibidwal diha sa Family Tree niini. …
… Kami mitahod sa among mga katigulangan pinaagi sa paghimong posible sa mga panalangin sa langit pinaagi sa buhat sa templo ug family history ug pinaagi sa pagtinabangay nga masumpay ang kutay sa among henerasyon. …
Ang pagkonektar ngadto sa atong mga katigulangan makausab sa atong mga kinabuhi sa makasurprisa nga mga paagi. Gikan sa ilang mga pagsulay ug mga kalamposan, kita makabaton og hugot nga pagtuo ug kalig-on. Gikan sa ilang gugma ug mga sakripisyo, kita makat-on sa pagpasaylo ug mopadayon sa paglambo. …
… Ang walay paghinakog nga serbisyo sa templo alang sa atong pamilya ug sa uban makapahimo sa Pag-ula sa Manluluwas nga matinuod alang kanila ug kanato. Gibalaan, kita makabalik sa panimalay ngadto sa presensya sa Dios isip mga pamilya nga mahangturon nga nahiusa. …
Unsa man ang atong buhaton karon? …
… Pundoka ang ilang mga litrato ug mga istorya, himoang tinuod ang ilang mga handomanan. Irekord ang ilang mga ngalan, mga kasinatian, importanteng mga petsa. Sila ang inyong pamilya—ang pamilya nga inyong naangkon ug ang pamilya nga inyong gusto. …
Ikaduha, itugot nga ang pagsuhid diha sa family history mahimong tinuyo ug dili pinugos. …
Ikatulo, bisitaha ang FamilySearch.org. I-download ang anaa nga mga mobile app. …
Ikaupat, motabang sa paghiusa sa mga pamilya nga magmahangtoron. …
Matag usa kanato adunay usa ka istorya. Dali na diskobreha ang inyong istorya. Dali na pangitaa ang inyong tingog, ang inyong awit, ang inyong panag-uyon diha Kaniya.