“Ang Atong Relasyon sa Dios,” Alang sa Kalig-on sa mga Kabatan-onan, Mayo 2022.
Dominggo sa Buntag nga Sesyon
Ang Atong Relasyon sa Dios
Mga Kinutlo
Kita kinahanglan nga dili maghunahuna sa plano sa Dios nga sama sa cosmic vending machine diin kita (1) mopili sa gitinguha nga panalangin, (2) mosuksok sa gikinahanglan nga gidaghanon sa maayong mga buhat, ug (3) ang gi-order moabot dayon. …
Ang atong paghinulsol ug pagkamasulondon, ang atong mga sakripisyo, ug atong maayo nga mga buhat importante. Kita gusto nga mahiuban niadtong gihulagway ni Ether nga “sa kanunay puno sa maayo nga mga buhat” [Ether 12:4]. Apan dili kini kaayo tungod sa pipila ka talaan nga gitipigan diha sa mga libro sa celestial nga mga listahan. Kining mga butanga importante tungod kay kini nagdasig nato sa buhat sa Dios ug mao ang mga paagi diin kita makigtambayayong Kaniya sa atong kaugalingon nga kausaban gikan sa natural nga pagkatawo ngadto sa pagkasantos. Ang gitanyag sa atong Langitnong Amahan kanato mao ang Iyang Kaugalingon ug ang Iyang Anak, usa ka suod ug malahutayong relasyon uban Kanila pinaagi sa grasya ug pagpataliwala ni Jesukristo, ang atong Manunubos.
… Ang atong Amahan andam nga mogiya sa matag usa nato subay sa Iyang dalan sa pakigsaad uban sa mga paagi nga gidesinyo alang sa atong indibidwal nga panginahanglan ug gipahaom ngadto sa Iyang plano alang sa atong hingpit nga kalipay uban Kaniya. …
Bisan pa, kini nga dalan dili mahimong sayon alang ni bisan kinsa kanato. Adunay daghan kaayong paghashas nga gikinahanglan aron kini mahimong sayon. …
Mao nga, sa taliwala niining kalayo sa magtutunaw, imbes masuko sa Dios, makigsuod sa Dios. Motawag sa Amahan pinaagi sa ngalan sa Anak. Molakaw uban Kanila pinaagi sa Espiritu, matag adlaw. Tugoti Sila sa paglabay sa panahon sa pagpakita sa Ilang kaligdong nganha kaninyo. Moduol gayod aron makaila Kanila ug makaila gayod sa imong kaugalingon. Ipatigbabaw ang Dios labaw sa tanan.