“Pagkakabig ngadto sa Kabubut-on sa Dios,” Alang sa Kalig-on sa mga Kabatan-onan, Mayo 2022.
Sabado sa Hapon nga Sesyon
Pagkakabig ngadto sa Kabubut-on sa Dios
Mga Kinutlo
Sa tibuok kinabuhi nga pagserbisyo ug espirituwal nga mga kasinatian, akong nasabtan nga ang tinuod nga pagkakabig maoy resulta sa gihunahuna og maayo nga pagdawat sa kabubut-on sa Dios ug nga kita mahimong magiyahan diha sa atong mga lihok pinaagi sa Espiritu Santo. …
Unsa ang mga obligasyon nga moabot gikan sa pagkakabig? …
… Ang Manluluwas mabination nga midapit kanato nga mahimong Iyang tingog ug Iyang mga kamot. Ang gugma sa Manluluwas mao ang mahimo natong giya nga kahayag. Ang Manluluwas nagtudlo sa Iyang mga disipulo, “Panglakaw kamo ug himoa ninyong mga tinun-an ang tanang kanasoran” [Mateo 28:19]. Ug ngadto ni Joseph Smith, Siya mipahayag, “Isangyaw ang akong ebanghelyo ngadto sa matag linalang kinsa wala makadawat niini” [Doktrina ug mga Pakigsaad 112:28]. …
Aron ang mando sa Manluluwas sa pagpaambit sa ebanghelyo mahimong kabahin sa atong pagkatawo, kinahanglan kita nga mahimong makabig ngadto sa kabubut-on sa Dios; kinahanglan kita nga mohigugma sa atong mga silingan, mopaambit sa gipahiuli nga ebanghelyo ni Jesukristo, ug modapit sa tanan aron moduol ug mosusi. …
Ang atong personal nga pagkakabig naglakip sa katungdanan sa pagpakigbahin sa ebanghelyo ni Jesukristo ngadto sa kalibotan.
Ang mga panalangin sa pagpakigbahin sa ebanghelyo naglakip sa pagpalambo sa atong pagkakabig ngadto sa kabubut-on sa Dios ug pagtugot sa Dios nga mao ang mopatigbabaw sa atong mga kinabuhi. Kita mopanalangin sa uban aron makasinati og usa ka “dako nga kausaban” sa kasingkasing [Alma 5:14]. Anaa tinuod ang mahangtorong hingpit nga kalipay diha sa pagtabang sa pagdala sa mga kalag ngadto ni Kristo. Ang paghago alang sa pagkakabig sa kaugalingon ug sa uban mao ang halangdon nga tahas.