“Ang mga Pakigsaad uban sa Dios Makalig-on, Makapanalipod, ug Makaandam Kanato alang sa Mahangtoron nga Himaya,” Alang sa Kalig-on sa mga Kabatan-onan, Mayo 2022.
Kababayen-an nga Sesyon
Ang mga Pakigsaad uban sa Dios Makalig-on, Makapanalipod, ug Makaandam Kanato alang sa Mahangtoron nga Himaya
Mga Kinutlo
Nakasulay na ba kamo sa pagbarog ibabaw sa habog nga pangpang nga ang inyong mga tudlo sa tiil nagtungtong sa ngilit niini ug nagtalikod sa lawom kaayo nga bung-aw sa ubos? Sa pagkanaog sa pangpang gamit ang pisi, bisan kon ikaw segurado nga pagkahigot ngadto sa usa ka sistema sa lig-on nga mga pisi ug mga ekipo nga makahatod nimo nga luwas, ang pagbarog sa ngilit makapakulba kaayo. Ang paatras nga pag-ambak sa pangpang ug pagtabyog diha sa nipis nga hangin nagkinahanglan og pagsalig ngadto sa angkla nga gisiguro og higot ngadto sa dili matarog nga butang. Kini nagkinahanglan og pagsalig sa tawo kinsa mopugong sa pisi samtang kamo mopadulong sa ubos. …
Ang espirituwal nga ekipo nga mopugong kanato gikan sa pagkadugmok ngadto sa mga bato sa kalisdanan mao ang atong pagpamatuod kang Jesukristo ug ang mga pakigsaad nga atong gihimo. Kita makasalig niini nga mga suporta aron mogiya ug modala kanato ngadto sa kahilwasan. Isip atong andam nga kauban, ang Manluluwas dili motugot kanato nga mahulog lapas sa Iyang kapasidad sa pagtabang. …
Walay laing mas importante sa atong mahangtoron nga pag-uswag kay sa pagtuman sa atong mga pakigsaad uban sa Dios. …
Ako mopamatuod nga samtang kita mopili sa paghimo og mga pakigsaad ngadto sa Langitnong Amahan ug mogamit sa gahom sa Manluluwas aron motuman niini, kita mapanalanginan og dugang nga kalipay niini nga kinabuhi kay sa ato karong mahunahuna ug usa ka mahimayaon nga kinabuhing dayon nga moabot.